Սևանա լճում կայացավ առագաստանավերի մեկնարկի և սեզոնի առաջին ռեգատայի արարողությունը Հիասքանչ բնություն, մաքուր օդ ու լեռնային այդքան անհրաժեշտ քամին։ Բոլոր պայմանները Հայաստանում ու մասնավորապես Սևանում՝ առագաստանավային սպորտը զարգացնելու համար։ Մեկ տարի առաջ հենց այս նպատակով ստեղծված «Վինդս օֆ Արմենիա» առագաստանավային ակումբը, «ԶՆԶ» ֆեդերացիան, «Էնի Վիշ» տուրիստական ընկերությունը ազդարարեցին առագաստանավերի մեկնարկի և սեզոնի առաջին ռեգատայի արարողությունը: https://youtu.be/fkcv6eDfKEE Առագաստանավային սպորտը կդառնա Հայաստանի այցեքարտը, վստահ է «Վինդս օֆ Արմենիա» առագաստանավային ակումբի հիմանդիրը։ Որ ամբողջ աշխարհից Հայաստան գան ոչ միայն տեսարժան վայրեր այցելելու, համեղ ուտելիքներ համտեսելու, այլ նաև առագաստանավային սպորտաձևով զբաղվելու համար։ Հայաստանի լեռների քամին նոր հնարավորությունների սկիզբ է՝ վայելելու Սևան ու անցկացնելու գեղեցիկ հանգիստ առագաստների ներքո։