Իրանում պատերազմը կարող է վերածվել Երրnրդ համաշխարhայինի. Զելենսկի

Զելենսկիի խոսքով՝ լայնամասշտաբ պատերազմի սկզբում Ռուսաստանը ակտիվորեն օգտագործել է Իրանի փոխանցած զենքը Ուկրաինայի դեմ։

Ուկրաինայի նախագահ Վլադիմիր Զելենսկին հայտարարել է, որ անօդաչու թռչող սարքերի արտադրության ոլորտում Ռուսաստանի և Իրանի համագործակցությունը լուրջ սպառնալիք է ներկայացնում և կարող է գլոբալ հետևանքներ ունենալ։ Այս մասին նա նշել է իռլանդացի բլոգեր Քեյլին Ռոբերտսոնին տված հարցազրույցում, հաղորդում է ՈւՆԻԱՆ գործակալությունը։

Զելենսկիի խոսքով՝ լայնամասշտաբ պատերազմի սկզբում Ռուսաստանը ակտիվորեն օգտագործել է Իրանի փոխանցած զենքը Ուկրաինայի դեմ։ Նրա պնդմամբ՝ ներկայում Իրանը նմանատիպ տեխնոլոգիաներ կիրառում է նաև Մերձավոր Արևելքում և հարձակումներ է իրականացնում ամերիկյան բազաների ուղղությամբ։

Ուկրաինայի նախագահը նաև նշել է, որ ուկրաինական հետախուզությունը պատերազմում կիրառվող «Շահեդ» անօդաչու սարքերում հայտնաբերում է ռուսական արտադրության բաղադրիչներ։

Զելենսկիի գնահատմամբ՝ եթե հակամարտությունը չկանգնեցվի մինչև աշուն, այն կարող է վերածվել երկարատև պատերազմի և ունենալ ավելի լայն՝ գլոբալ հետևանքներ։