2018-2025 թվականներին պետությանը վերադարձվել է շուրջ 291.7 մլրդ դրամի գույք և միջոցներ

Ընդհանուր վերադարձված միջոցների 65.8%-ը բաժին է ընկնում 2023-2025 թվականներին։

Դատախազությունում վերլուծվել են 2018-2025 թվականների ընթացքում Հայաստանի Հանրապետության և համայնքների սեփականությանը կամ տիրապետմանը վերադարձված գույքերի և դրամական միջոցների ցուցանիշները։

Խոսքը վերաբերում է քրեական վարույթներով, դատարաններում ավարտված գործերով, պետական և համայնքային շահերի պաշտպանության հայցերով ու հաշտություններով, դատախազական ներգործության միջոցներով, իսկ 2023 թվականից՝ նաև ապօրինի ծագում ունեցող գույքի բռնագանձման գործիքակազմի կիրառմամբ արձանագրված արդյունքներին։

Վերլուծության համաձայն՝ 2018-2025 թվականներին Հայաստանի Հանրապետության և համայնքների սեփականությանը կամ տիրապետմանն է վերադարձվել շուրջ 291 միլիարդ 726 միլիոն դրամի (մոտ 773 միլիոն դոլարի) գույք և դրամական միջոց։

Ընդհանուր վերադարձված միջոցների 65.8%-ը կամ շուրջ 193 միլիարդ դրամը (մոտ 504 միլիոն դոլար) բաժին է ընկնում 2023-2025 թվականներին։