Մեծամորի ատոմակայանը վերազինումից հետո ամենաանվտանգներից է Վերջին վերազինումից և արդիականացումից հետո ՀԱԷԿ շահագործման ժամկետը երկարաձգվել է: Արտոնագիրը մինչև 2026 թվականն է, այս պահին աշխատում են կայանի կյանքը երկարացնել ևս 10 տարով`մինչև 2036 թվականը։ Էներգիայի արտադրության երկրորդ շղթան` տուրբինային արտադրամասը, գրեթե ամբողջությամբ նորացվել է. տուրբո ագրեգատներից ու գեներատորներից մինչև չափիչ սարքեր, արդիականացվել են: Վերազինումից պարզ է դարձել, որ տեխնիկապես հնարավոր է եղել թարմացնել ատոմակայանի շնչառությունը: Առաջիկայում կկառուցվի նաև բաշխիչ նոր ենթակայան, իսկ անվտանգային համակարգն էլ ավելի բարձր մակարդակի հասցնելու համար կհիմնեն նոր դիզելային գեներատորային կայան: Օրակարգային է մնում նոր ատոմակայան կառուցելու հարցը, որովհետև ԱԷԿ-ը ոչ միայն ամենաէժան հոսանք արտադրող կայանն է, այլև մեծացնում է Հայաստանի դերը տարածաշրջանում: