Անցնող շաբաթվա այլ կարևոր իրադարձությունները ֆինանսական շուկաների համար. Finarm

-Թուրքիայում ապրիլին գնաճը տարեկան կտրվածքով հասել է մոտ 70%-ի՝ հասնելով 2022թ.-ից ի վեր առավելագույն մակարդակին։ Գնաճի արագ տեմպը հիմնականում պայմանավորված է կրթության, ռեստորանային և հյուրանոցային ոլորտներում գների բարձր աճով։

-ԱՄՆ աշխատանքի դեպարտամենտի զեկույցի համաձայն ապրիլին ամսին երկրում աշխատատեղերի թիվն ավելացել է 175,000-ով (կանխատեսվում էր 243,000), իսկ գործազրկության մակարդակը 3.8%-ից բարձրացել է մինչև 3.9%:

-ԱՄՆ Դաշնային պահուստային համակարգն անփոփոխ է թողել վերաֆինանսավորման տոկոսադրույքը՝ սահմանելով 5.25%-5.5%: Տարվա առաջին երեք ամիսներին գնաճի՝ սպասվածից արագ տեմպի արդյունքում կարգավորողներն ավելի քիչ հավանական են համարում մոտ ապագայում գնաճի՝ թիրախային 2%-ին հասնելը։

-Apple-ը հայտարարել է 110 միլիարդ դոլարի չափով բաժնետոմսերի հետգնման ծրագրի մասին, ինչից հետո ընկերության բաժնետոմսերի գինն աճել է 6%-ով։ Ընկերությունը նաև նախատեսում է 4%-ով ավելացնել շահաբաժինների վճարմանն ուղղվող գումարները։

- Բրիտանական FTSE 100 ինդեքսն աճել է 0.5%-ով՝ հասնելով ռեկորդային բարձր արժեքի՝ 8,213.49 միավորի։ FTSE 250 ինդեքսն աճել է 0.6%-ով՝ հասնելով նախորդ տարվա փետրվարից ի վեր առավելագույն մակարդակին։