2025թ. հունվար-սեպտեմբերին 1000 խոշոր հարկատուների կողմից մուծված ակցիզային հարկի ծավալը կազմել է մոտ 108.37 մլրդ դրամ

Պետական եկամուտների կոմիտեն հրապարակել է 2025 թվականի հունվար-սեպտեմբեր ամիսների ընթացքում Հայաստանի 1,000 խոշոր հարկ վճարողների կողմից վճարված հարկերի և տուրքերի ցուցանիշները։

Ըստ տվյալների՝ նշված ժամանակահատվածում 1000 խոշոր հարկատուների կողմից մուծված ակցիզային հարկի ծավալը կազմել է մոտ 108.37 մլրդ դրամ, ինչը կազմում է ընդհանուր հարկային մուտքերի շուրջ 7.53%։ Սա նախորդ տարվա նույն ժամանակահատվածի համեմատությամբ ավելացել է 13.46 մլրդ դրամով կամ 14.19%-ով։ 2024թ. ցուցանիշը կազմել էր 94.9 մլրդ դրամ կամ ընդհանուր հարկերի 7.17%։

Առաջատար ակցիզային հարկ վճարող 10 ընկերությունները

1. «Գրանդ Տոբակո» – 30.34 մլրդ դրամ
Աճը՝ 5.3 մլրդ դրամ կամ 21.13%։
Ակցիզային հարկը կազմել է ընկերության ընդհանուր մուտքերի 66.03%-ը։

2. «Ինտերնեյշնլ Մասիս Տաբակ» – 11.58 մլրդ դրամ
Աճը՝ 2.76 մլրդ դրամ կամ 31.37%։
Ակցիզային հարկը կազմել է ընդհանուր մուտքերի 63.62%-ը։

3. «Ֆիլիպ Մորրիս Արմենիա» – 8.15 մլրդ դրամ
Նվազում՝ 105 մլն դրամ կամ 1.28%։
Ակցիզային հարկը կազմել է ընդհանուր մուտքերի 52%-ը։

4. «Ջեյ Թի Այ Արմենիա» – 6.16 մլրդ դրամ
Նվազում՝ 984 մլն դրամ կամ 13.79%։
Ակցիզային հարկը կազմել է ընդհանուր մուտքերի 64.97%-ը։

5. «Սի Փի Էս Էներջի Գրուպ» – 5.84 մլրդ դրամ
Աճը՝ 1.31 մլրդ դրամ կամ 29.04%։
Ակցիզային հարկը կազմել է ընդհանուր մուտքերի 30.75%-ը։

6. «Արթ Վայն» – 4.58 մլրդ դրամ
Աճը՝ 2.87 մլրդ դրամ կամ 168.02%։
Ընկերությունը բարձրացել է 9 հորիզոնականով։
Ակցիզային հարկը կազմել է ընդհանուր մուտքերի 68.86%-ը։

7. «ՍՊՍ Սիգարոն» – 3.41 մլրդ դրամ
Աճ՝ մոտ 910 մլն դրամ կամ շուրջ 36%։
Ակցիզային հարկը կազմել է ընդհանուր մուտքերի 37.02%-ը։

8. «Նեվիս» – 2.65 մլրդ դրամ
Աճը՝ 716 մլն դրամ կամ 36.99%։
Ակցիզային հարկը կազմել է ընդհանուր մուտքերի 65.32%-ը։

9. «Ֆլեշ» – 2.59 մլրդ դրամ
Նվազում՝ 501 մլն դրամ կամ 16.23%։
Ակցիզային հարկը կազմել է ընդհանուր մուտքերի 23.82%-ը։

10. «Ավերս» – 2.47 մլրդ դրամ
Աճը՝ 1.62 մլրդ դրամ կամ 189.39%։
Ակցիզային հարկը կազմել է ընդհանուր մուտքերի 67.59%-ը։