Հուլիսի 27-ին՝ ժամը 23:00-ից մինչև 03:00-ն, Քանաքեռ-Զեյթուն վարչական շրջանում՝ «Հաղթանակ զբոսայգում», ԿՇՄՊ ՀՈԱԿ-ը կիրականացնի ծառերի սրսկման աշխատանքներ՝ վնասատուների դեմ վերգետնյա, միջատասպան և հակասնկային քիմիական պայքարի նպատակով։
«Անվտանգությամբ պայմանավորված՝ բնակիչներին հորդորում ենք փակել փողոց նայող պատուհաններն ու պատշգամբի դռները»,-նշում են կազմակերպությունից։
Բացի այդ, ճանապարհաշինարարական աշխատանքներով պայմանավորված՝ հուլիսի 26-ից մինչև օգոստոսի 26-ը՝ ժամը 23:00-ից մինչև 08:00-ն, Բաբայան փողոցի որոշ հատվածներ փակ կլինեն։
1-ին փուլով կփակվի Բաբայան փողոցի՝ Բաբայան փ. — Ազատություն պ. խաչմերուկից մինչև Բաբայան փ. — Ուլնեցու փ. խաչմերուկ հատվածը։
2-րդ փուլով միակողմանի կփակվի Բաբայան փողոցի՝ Բաբայան փ. — Ազատություն պ. խաչմերուկից դեպի Ռիգայի փողոց տանող ճանապարհահատվածը, որտեղ երթևեկությունն իրականացվելու է հանդիպակաց ուղղություն երթևեկելի մեկ գոտու հաշվին։
Երևանի քաղաքապետարանը հորդորում է վարորդներին աշխատանքի արդյունավետության ապահովման համար տրանսպորտային միջոցները չկայանել վերոնշյալ ճանապարհահատվածի երթևեկելի մասում։ Կազմակերպությունից հայցում են քաղաքացիների ներողամտությունը պատճառվող ժամանակավոր անհարմարությունների համար։
