Մայրաքաղաքում բնակարանները թանկացել են մինչև 20 տոկոսով Մայրաքաղաքի բազմաբնակարան շենքերի բնակարանների շուկայական միջին գինը այս տարվա հուլիսին էականորեն աճել է նախորդ տարվա հուլիսի համեմատ: Օրինակ, Երեւանի կենտրոնում բնակարանի մեկ քմ-ի միջին գինը 742 500 դրամ է, մինչդեռ 2021-ի հուլիսին այն կազմել է 625 100 դրամ: Աճը կազմել է 18,8 տոկոս: Արաբկիր վարչական շրջանում մեկ քմ-ի միջին արժեքը 527 հազար է: Նախորդ տարվա համեմատ աճը կազմել է 15,8 տոկոս: Նոր Նորքում բնակարանների մեկ քմ-ի միջին գինը հուլիսին կազմել է 331 500 դրամ, իսկ նախորդ տարվա հուլիսին՝ 301 500 դրամ: Շենգավիթում բնակարանների մեկ քմ-ի միջին գինը հուլիսին կազմել է 341 050 դրամ, իսկ Դավիթաշենում 388 500 դրամ, Աջափնյակում բնակարանների 363 000 դրամ, Նուբարաշենում 178 300 դրամ: Ընդ որում Երեվանում անշարժ գույքի առուվաճառքի գործարքները այս տարվա հուլիսին նախորդ տարվ աահուլիսի համեմատ նվազել են 14.6 տոկոս: Այս հուլիսին կատարվել է 1414 գործարք, իսկ 2021-ի հուլիսին՝ 1656 գործարք: