Մակրոնը մայիսի 4-ին երկօրյա այցով կժամանի Երևան

Մակրոնը նաև կմասնակցի Եվրոպական քաղաքական համայնքի 8-րդ գագաթնաժողովին։

Ֆրանսիայում Հայաստանի պատվավոր հյուպատոս Դենիս Ջորկաեֆը հայտարարել է, որ Ֆրանսիայի նախագահ Էմանուել Մակրոնը այս տարվա մայիսին կայցելի Հայաստան։

Նրա խոսքով՝ նախագահ Մակրոնը մայիսի 4-ին երկօրյա այցով կլինի Երևանում։ Նախատեսվում է հանդիպում ՀՀ վարչապետ Նիկոլ Փաշինյանի հետ։

Մակրոնը նաև կմասնակցի Եվրոպական քաղաքական համայնքի 8-րդ գագաթնաժողովին, որը կանցկացվի Երևանում մայիսի 4-ին։

Եվրոպական քաղաքական համայնքը ձևավորվել է որպես քաղաքական հարթակ՝ եվրոպական երկրների միջև երկխոսության և համագործակցության խորացման նպատակով։