Հայաստանի համար 2022-ին կանխատեսվում է 8 տոկոս տնտեսական աճ

Վերակառուցման և զարգացման եվրոպական բանկը վերանայել է Հայաստանի համար տնտեսական աճի կանխատեսումը, որի համաձայն 2022-ի Հայաստանի ՀՆԱ աճը կկազմի 8 տոկոս: Ըստ ՎԶԵԲ-ն կայքում հրապարակված հոդվածի տարածաշրջանի երկրները գրանցում են վերջին տարիների իրենց ամենաբարձր աճի տեմպը, սակայն դա հիմնականում պայմանավորված է ժամանակավոր գործոններով, որոնք կարող են հեշտությամբ փոխվել: Ընդգծվում է, որ Հայաստանն ու Վրաստանը շահում են ռուսաստանյան բիզնեսների և տեղեկատվական տեխնոլոգիաների ոլորտի մասնագետների հոսքից: Սա էլ իր հերթին օգնել է Հայաստանին ֆինանսավորել իր աճող առևտրային դեֆիցիտը: Արտաքին պահուստներն աճել են 20 տոկոսով, իսկ փոխարժեքը՝ 18 տոկոսով: Զեկույցի համաձայն, 2023-ին կդիտվի տնտեսական աճի դանդաղում՝ մինչև 4 տոկոս նվազում, ավելի վաղ կանխատեսվում էր 2.5 տոկոս: