Ներդրումային ոլորտը օգոստոսի 6-ին

Համաշխարհային ինդեքսներ Ամերիկյան ինդեքսները երկուշաբթի օրն անկում ապրեցին: Dow Jones Industrial Average-ը նվազեց 2.60%-ով՝ հասնելով 38703.27 կետին: S&P 500-ի արժեքը նվազեց 2.70%-ով՝ հասնելով 5202.40 կետին: S&P 500-ի ֆյուչերսը երեքշաբթի աճում է 1.3%-ով: Ճապոնական Nikkei 225-ը մեծ անկումից հետո աճում է 2.8%-ով՝ հասնելով 34319 կետին: Կորեական KOSPI-ն նույնպես վերականգնվում է՝ աճելով 4.13%-ով և հասնելով 2542.3 կետին: Չինական Shanghai Composite-ը նվազում է 0.42%-ով՝ հասնելով 2849.04 կետին: Մակրոէկոնոմիկա 1. Չինաստանի ծառայությունների ոլորտի PMI ինդեքսը հուլիսի տվյալներով կազմել է 52.1 կետ (+1.8% ամսական): 2. Եվրոպական տարածքի կոմպոզիտ PMI ինդեքսը հուլիսի վերջում նվազել է 70 բ.պ.-ով՝ հասնելով 50.2 կետի՝ համեմատած հունիս ամսվա ցուցանիշի: Ապրանքային շուկաներ Ոսկու գինը նվազում է՝ հասնելով $2397.5 մեկ ունցիայի համար: Նավթի գնանշումները երկուշաբթի աճում էին: Brent նավթի գինը կազմում է $76.9 մեկ բարելի համար, իսկ WTI-ն՝ մոտ $73.7 մեկ բարելի համար: Կորպորատիվ իրադարձություններ/ միջոցառումներ 1. Ուորեն Բաֆեթի Berkshire Hathaway ներդրումային ընկերությունը երկրորդ եռամսյակում զուտ շահույթը նվազեցրել է 16%-ով տարեկան հաշվարկով՝ պայմանավորված ներդրումային եկամուտների նվազմամբ, սակայն օպերացիոն շահույթը աճել է 15%-ով տարեկան հաշվարկով՝ շնորհիվ ապահովագրական բիզնեսի: Զուտ շահույթը ապրիլ-հունիս ամիսներին կազմել է $30.5 միլիարդ: Berkshire-ի ներդրումային եկամուտը կազմել է $23.9 միլիարդ: Հասույթը աճել է 1.2%-ով տարեկան հաշվարկով՝ հասնելով $93.7 միլիարդ: 2. Ամերիկյան Tyson Foods սննդամթերքի արտադրողը երրորդ ֆինանսական եռամսյակում գրանցել է զուտ շահույթ՝ համեմատած նախորդ տարվա վնասի հետ: Եռամսյակի զուտ շահույթը կազմել է $191 միլիոն, կամ $0.54 մեկ բաժնետոմսի համար: Tyson Foods-ի եռամսյակային հասույթը աճել է 1.6%-ով տարեկան հաշվարկով՝ հասնելով $13.35 միլիարդ: Cube Invest