2025թ. հունվար-սեպտեմբեր ամիսներին ՀՀ հեռահաղորդակցության ոլորտում հասույթը կազմել է 126,781.2 մլն դրամ

Բջջային կապի ոլորտում հասույթը կազմել է 31,551.7 մլն դրամ՝ անկում 2.9%-ով։

ՀՀ վիճակագրական կոմիտեի հրապարակած տվյալների համաձայն 2025թ. հունվար-սեպտեմբեր ամիսներին ՀՀ հեռահաղորդակցության ոլորտում հասույթը կազմել է 126,781.2 մլն դրամ։ 2024թ.-ի համադրելի ցուցանիշի համեմատ արձանագրվել է աճ՝ 2.5%-ով։

Մասնավորապես, ռադիոծրագրերի կազմման և հեռարձակման ոլորտում գրանցվել է անկում 3.7%-ով և հասույթը կազմել է 1,303.4 մլն դրամ։ Հեռուստածրագրերի կազմման և հեռարձակման ոլորտում հասույթը նվազել է 2.2%-ով և կազմել 7,253.4 մլն դրամ։ Հեռահաղորդակցության ոլորտում գրանցվել է աճ 2.9%-ով, իսկ հասույթը կազմել է 118,224.4 մլն դրամ։

Հեռագրական ծառայություններից ստաված հասույթը նվազել է 32.2%-ով և կազմել 1.3 մլն դրամ։

Մալուխային հեռուստատեսային համակարգերի սպասարկման և շահագործման ոլորտում արձանագրվել է 1% աճ, իսկ հասույթը կազմել է 6,212.5 մլն դրամ։

Բջջային կապի ոլորտում հասույթը կազմել է 31,551.7 մլն դրամ՝ անկում 2.9%-ով։

Ինտերնետ հասանելիության ոլորտում արձանագրվել է 4.5% աճ և հասույթը կազմել է 63,225.8 մլն դրամ։

Արբանյակային հասանելիության (բացառությամբ ինտերնետի) ծառայություններից ստացվել է 2.0 մլն դրամ հասույթ և գրանցվել է անկում 67.4%-ով:

Այլ ծառայություններից ստացվել է 13,610.8 մլն դրամ հասույթ և գրանցվել է աճ՝ 1%-ով։