Փաշինյան–Մակրոն հանդիպում Փարիզում
Փարիզում տեղի է ունեցել վարչապետ Նիկոլ Փաշինյանի հանդիպումը Ֆրանսիայի նախագահ Էմանուել Մակրոնի հետ։ Կողմերը քննարկել են տարածաշրջանային զարգացումները և կարևորել խաղաղության ու կայունության ամրապնդման ուղղությամբ հետևողական ջանքերի շարունակականությունը։ Անդրադարձ է կատարվել նաև Հայաստան–Եվրամիություն համագործակցության զարգացման հեռանկարներին։
#Հայաստան #Ֆրանսիա #ՆիկոլՓաշինյան #ԷմանուելՄակրոն #Եվրամիություն #Դիվանագիտություն
Սպիտակ տունը՝ Իրանի հանձնման մասին
Սպիտակ տան մամուլի խոսնակ Քերոլայն Լևիթը հայտարարել է, որ ԱՄՆ ռազմական գործողությունը կավարտվի միայն Իրանի անվերապահ հանձնվելու դեպքում։ Նրա խոսքով՝ նախագահ Դոնալդ Թրամփն է որոշելու, թե ինչն է համարվում հանձնվել։
#ԱՄՆ #ՍպիտակՏուն #ՔերոլայնԼևիթ #Իրան #Թրամփ
Իրանի պահանջները ԱՄՆ-ի հետ բանակցությունների համար
Իրանը ներկայացրել է ԱՄՆ-ի հետ բանակցությունների վերականգնման իր պայմանները։ Թեհրանը պահանջում է ռազմական գործողությունների դադարեցման երաշխիք, հասցված վնասների փոխհատուցում և սեփական միջուկային վառելիքի ցիկլը ազատորեն զարգացնելու իրավունք։
#Իրան #ԱՄՆ #Բանակցություններ #ՄիջուկայինԾրագիր
Ռուսական ցորենի նոր խմբաքանակը՝ Հայաստան
Ադրբեջանի տարածքով Հայաստան է ուղարկվում ռուսական հացահատիկի երկրորդ խմբաքանակը։ 11 վագոնից բաղկացած բեռնատար գնացքով տեղափոխվում է 1023 տոննա ցորեն, որը Վրաստանի տարածքով կհասնի Հայաստան։
#Հայաստան #Ադրբեջան #Ռուսաստան #Ցորեն #Տրանսպորտ
ԱՄՆ ռազմական գործողության ծախսերը Իրանում
ԱՄՆ Սենատում հայտնել են, որ Իրանի դեմ ռազմական գործողությունը Վաշինգտոնին օրական մոտ 900 միլիոն դոլար է արժենում։ The Washington Post-ի տվյալներով՝ սկզբնական հարվածների արժեքը գնահատվել է մոտ 5.6 միլիարդ դոլար։
#ԱՄՆ #Իրան #Պենտագոն #ՌազմականԾախսեր
Ավտոբուսի հրդեհ Շվեյցարիայում
Շվեյցարիայի «Կարցերս» քաղաքում ավտոբուսում բռնկված հրդեհի հետևանքով զոհվել է 6 մարդ, 5-ը տուժել են։ Ըստ տարբեր տեղեկությունների՝ հրդեհը կարող էր լինել ինչպես հարձակման, այնպես էլ ինքնասպանության փորձի հետևանք։
#Շվեյցարիա #Հրդեհ #Ավտոբուս #ԱրտակարգԴեպք
Լիբանանում զոհերի թիվը աճում է
Իսրայելի կողմից մարտի 2-ից իրականացված հարվածների հետևանքով Լիբանանում զոհվել է առնվազն 570 մարդ, իսկ 1444-ը վիրավորվել են։ Հաղորդվում է նաև, որ Բեյրութի «Ուզայի» թաղամասը ենթարկվել է ավիահարվածների։
#Լիբանան #Իսրայել #ՄերձավորԱրևելք #Պատերազմ #Զոհեր
Զելենսկին՝ Ռուսաստան–Իրան համագործակցության մասին
Ուկրաինայի նախագահ Վոլոդիմիր Զելենսկին հայտարարել է, որ Ռուսաստանի և Իրանի համագործակցությունը անօդաչու սարքերի արտադրության ոլորտում լուրջ սպառնալիք է միջազգային անվտանգության համար։
#Ուկրաինա #Զելենսկի #Ռուսաստան #Իրան #ԱԹՍ
