ԱՄՆ խոշոր ավիաընկերությունները կարող են լրացուցիչ 11.6 մլրդ դոլար են ծախսել վառելիքի վրա

Երեքշաբթի օրվա վերջին գինը նվազել է մինչև 3.4 դոլար մեկ գալոնի դիմաց։

Ամերիկյան խոշորագույն ավիափոխադրողները այս տարի կարող են լրացուցիչ ավելի քան 11 միլիարդ դոլար ծախսել ավիավառելիքի վրա՝ Իրանի շուրջ լարվածության սրման հետևանքով։ Այս մասին գրում է Financial Times-ը։

Պարբերականի համաձայն՝ ԱՄՆ չորս խոշորագույն ավիաընկերությունները՝ American Airlines, United, Delta և Southwest, կարող են բախվել զգալի լրացուցիչ ծախսերի, քանի որ նախապես չեն ապահովագրել իրենց վառելիքի սպասվող գնումները և այժմ խոցելի են գների կտրուկ աճի նկատմամբ։

FT-ի փոխանցմամբ՝ Հորմուզի նեղուցի փակումից հետո ԱՄՆ-ում ավիավառելիքի գինը աճել է գրեթե 60%-ով՝ հասնելով մեկ գալոնի դիմաց 3.95 դոլարի։ Տվյալները հիմնված են Argus US Jet Fuel ինդեքսի վրա, որը չափում է ամերիկյան ավիացիոն հանգույցներում սփոթային գները։

Երեքշաբթի օրվա վերջին գինը նվազել է մինչև 3.4 դոլար մեկ գալոնի դիմաց, սակայն ԱՄՆ իշխանությունները բարձրացրել են ընթացիկ տարվա ավիավառելիքի գների պաշտոնական կանխատեսումը 37%-ով՝ այն հասցնելով 2.67 դոլարի։

Financial Times-ի հաշվարկներով՝ 2026 թվականին դա կարող է հանգեցնել շուրջ 11.6 միլիարդ դոլարի լրացուցիչ ծախսերի նշված չորս ավիաընկերությունների համար։