ԿՌՈՒՆԿ բնակելի թաղամասի պաշտոնական բացում․ որակյալ կյանքի նոր չափանիշներ Աջափնյակում Երևանի Աջափնյակ վարչական շրջանը համալրվում է ժամանակակից և հարմարավետ նոր բնակելի թաղամասով։ Մայիսի 17-ին ԱՐՏՔՈՄՓԱՆԻ կառուցապատող ընկերությունը պաշտոնապես բացեց ԿՌՈՒՆԿ բնակելի թաղամասը՝ Երևանի Աջափնյակ վարչական շրջանի Գրիգոր Հասրաթյան 15 հասցեում։ Բացման միջոցառմանը հրավիրված էին պետական կառավարման և տեղական ինքնակառավարման մարմինների ներկայացուցիչներ, թաղամասի կառուցապատման աշխատանքներում ներգրաված մասնագետներ, գործընկեր կազմակերպություններ, հյուրեր և իհարկե թաղամասի բնակիչներ: ԿՌՈՒՆԿ թաղամասի շինարարությունն իրականացվել է 2020 թվականից ի վեր՝ ԱՐՏՔՈՄՓԱՆԻ ընկերության կողմից, որի պրոֆեսիոնալ թիմն ապահովել է կառուցապատման գործընթացի սահուն և արդյունավետ ընթացքը, միավորելով ոլորտի լավագույն մասնագետներին ու կազմակերպություններին։ Թաղամասը ներառում է 14-հարկանի 3 նոր շենք՝ 273 հարմարավետ բնակարաններով, կոմերցիոն տարածքներ, 192 ստորգետնյա ավտոկայանատեղի, կանաչապատ ու ընդարձակ բակեր, ֆուտբոլի դաշտ, խաղահրապարակներ, զրուցարաններ, սպորտային ու հանգստի գոտիներ։ Նախագիծն աչքի է ընկնում բարձր սեյսմակայունությամբ (9+ բալ) և ժամանակակից ինժեներատեխնիկական լուծումներով։ Եվ ահա, ԿՌՈՒՆԿ բնակելի թաղամասը հանձնվում է շահագործման՝ տրամադրելով բարեկեցիկ պայմաններ ավելի քան 270 ընտանիքի, որոնք այսօր վայելում են կյանքի բարձր որակ, հարմարավետություն, հանգստի ու ժամանցի հնարավորություններ։ https://youtu.be/gGl44zBkms0 ԿՌՈՒՆԿ-ը Արտքոմփանիի կարևորագույն նախագծերից մեկն է, այն ինչպես միշտ, իրականացվել է մեծ պատասխանատվությամբ, պրոֆեսիոնալ մոտեցմամբ ու ժամանակակից չափանիշներին համապատասխան: Միջոցառմանը տեղի ունենցավ նաև շնորհակալագրերի հանձնում՝ թաղամասի կառուցապատման աշխատանքներում իրենց մեծ ներդրումն ունեցած մասնագետներին և գործընկեր կազմակերպություններին։ ԿՌՈՒՆԿ բնակելի թաղամասը ԱՐՏՔՈՄՓԱՆԻ-ի կողմից իրականացված կարևոր քայլերից մեկն է՝ Երևանի զարգացումը որակական նոր փուլ տեղափոխելու ճանապարհին։ Կարևոր է նաև արձանագրել, որ ԿՌՈՒՆԿ թաղամասն ունի ձևավորված և ակտիվ գործող համատիրություն, որը մասնագիտորեն զբաղվում է շենքերի և ընդհանուր տարածքների սպասարկմամբ, կառավարմամբ ու բարեկարգման պահպանմամբ՝ ապահովելով բնակիչների համար մշտական հարմարավետություն։ Կռունկ թաղամասի շինարարությունն իրականացվել է մասնավոր ներդրումներով, առանց պետական աջակցության ծրագրի: Այս նոր թաղամասը կյանքի նոր չափանիշների վառ օրինակ է և լավագույն ապացույց, որ Հայաստանում հնարավոր է սահմանված ժամկետներում կառուցել որակյալ, ժամանակակից և հարմարավետ միջավայր՝ միջազգային չափանիշներին համապատասխան: Արտքոմփանին խոշոր կառուցապատող ընկերություն է, ավելի քան 12 տարի իրականացնում է բնակելի և կոմերցիոն համալիրների կառուցապատում, ինչպես նաև քաղաքաշինական նախագծերի կառավարում: Արտքոմփանիի կառուցած բնակելի համալիրները միավորում են որակը, հարմարավետությունը, ժամանակակից ճարտարապետությունը և հասանելի գնային ռազմավարությունը: Ընթացքի մեջ են նոր շինարարական նախագծեր, որոնք շատ շուտով կդառնան քաղաքի անբաժան մասը. - Գյուրջյան կասկադ (Նոր Նորք, Գյուրջյան 14/1, շինավարտը՝ 2028 թ.) - Firdus Prime Residence (Փոքր Կենտրոն, Տիգրան Մեծի պող. և Խանջյան փող., շինավարտը՝ 2027-2028 թթ ըստ շենքերի) - Անտառ բնակելի համալիր (Արաբկիր, Աղբյուր Սերոբի 44-48, շինավարտը՝ 2025 թ. վերջ) - Անի պրեմիում (Արաբկիր, Ն. Ադոնցի 19/4, շինավարտը՝ 2027 թ.) - Մամիկոնյանց համալիր (Արաբկիր, Մամիկոնյանց 30/1, շինարարությունն ավարտված է) - Դիլիջան ապարտ-հոթել (Դիլիջան, Մ. Գորկու 29/44, շինավարտը՝ 2026 թ. գարուն)   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: