Միայն սեպտեմբերին Հայաստան է ժամանել 60 հազ. ռուսաստանցի

Բրիտանական Oxford Economics խորհրդատվական ընկերության տվյալով, միայն սեպտեմբերին Հայաստան է ժամանել 60 հազար ռուսաստանցի։ Նույն ժամանակահատվածում Ղազախստան է մեկնել մոտ 200 հազար, Վրաստան՝ 70 հազար ռուսաստանցի։ Ադրբեջանը չի հայտնել աշնանը ժամանածների թվի մասին, սակայն առանձին դիտարկումները վկայում են, որ ներհոսքն այստեղ նույնպես զգալի է եղել։ Oxford Economics-ի զարգացող շուկաների գծով առաջատար տնտեսագետը նշում է, որ թարմ կապիտալի ներհոսքը հետխորհրդային այնպիսի փոքր տնտեսություններին, ինչպիսիք են Վրաստանը, Հայաստանը եւ Մոլդովան, թույլ տվեց այս տարի ավելացնել իրենց արժութային պահուստները, ինչը մեծացնում է նրանց դիմադրողականությունը արտաքին ցնցումների նկատմամբ, կարծում է հեղինակը։ Մոլդովային հաջողվեց դրան հասնել մեծամասամբ Ուկրաինայից փախստականների, այլ ոչ թե Ռուսաստանից ժամանողների հաշվին: