2024թ.-ի հունվար-ապրիլին արտահանումը Հայաստանի Հանրապետությունից՝ ըստ երկրների

ՀՀ վիճակագրական կոմիտեի հրապարակած տվյալների համաձայն 2024թ. հունվար-ապրիլ ամիսներին Հայաստանի արտահանման ծավալը կազմել է 5.99 մլրդ դոլար։ 2023թ. համադրելի ցուցանիշի համեմատ արտահանման ծավալներն աճել են 2.8 անգամ կամ 3.8 մլրդ դոլարով։ Արտահանման ամենամեծ ծավալները արձանագրվել են ԱՄԷ-ի ուղղությամբ։ Վերոնշյալ ժամանակահատվածում Հայաստանից ԱՄԷ արտահանման ծավալներն աճել են 661.20%-ով կամ 2.46 մլրդ դոլարով և կազմել 2,84 մլրդ դոլար։ ԱՄԷ-ին է բաժին ընկնում արտահանման ծավալի 47.35%-ը։ Երկրորդն Ռուսաստանի Դաշնությունն է՝ 844.1 մլն դոլար, -21.40% կամ -229.86մլն դոլար։ Ռուսաստանին է բաժին ընկնում արտահանման ծավալի 14.09%-ը։ Եռյակը եզրափակում է Չինաստանը՝ 588.56 մլն դոլար, +335.92% կամ +453.54 մլն դոլար։ Չինաստանին բաժին է ընկնում արտահանման ծավալի 9.82%-ը։ Չորրորդ հորիզոնականում Իրաքն է՝ 52.06 մլն դոլար, -17.45% կամ -11.0 մլն դոլար։ Իրաքին բաժին է ընկնում արտահանման ծավալների 0.87%-ը։ Վրաստանը հինգերորդն է՝ 45.61 մլն դոլար, -11.44% կամ -5.89 մլն դոլար։ Վրաստանին բաժին է ընկնում արտահանման ծավալների 0.76%-ը։ Վեցերորդ տեղում Բելգիան է՝ 40.26 մլն դոլար, +106.14% կամ 20.73 մլն դոլար։ Բելգիային բաժին է ընկնում արտահանման ծավալների 0.67%-ը։ Յոթերորդը Իրանն է՝ 34.74 մլն դոլար, -2.50% կամ -889.2 հազար դոլար։ Իրանին բաժին է ընկնում արտահանման ծավալների 0.58%-ը։ Ութերորդ հորիզոնականում Շվեյցարիան է՝ 32.82 մլն դոլար, +3.79% կամ +1.2 մլն դոլար։  Շվեյցարիային բաժին է ընկնում արտահանման ծավալների 0.55%-ը։ Իններորդը Բելառուսն է՝ 19,31 մլն դոլար, –8.88% կամ -2.9մլն դոլար։ Բելառուսին բաժին է ընկնում արտահանման ծավալների 0.50%-ը։ Տասնյակը եզրափակում է Նիդերլանդները՝ 28.61 մլն դոլար, -75.32% կամ -87.32 մլն դոլար։ Նիդերլանդներին բաժին է ընկնում արտահանման ծավալների 0.48%-ը։ Ինչ վերաբերվում է վերպետական կազմավորումներին, ապա վերոնշյալ ժամանակահատվածում ԱՊՀ երկրներից արտահանման ծավալներն նվազել են 19.46%-ով և կազմել 913.29 մլն դոլար, մասնավորապես, ԵԱՏՄ երկրներ արտահանումն նվազել է 19.82%-ով և կազմել 898.14 մլն դոլար։ ԱՊՀ երկրներին բաժին է ընկնում արտահանման ծավալների 15.25%, իսկ ԵԱՏՄ երկրներին՝ 14.99%։ Եվրամիության ուղղությամբ արտահանման ծավալները նվազել են -22.27%-ով և կազմել 182.64 մլրդ դոլար։ Եվրամիությանը բաժին է ընկնում արտահանման ծավալների 3.05%-ը։