Ինչպե՞ս վարել հաղթող բանակցություններ. Ակբա Բիզնես ակումբ

Ակբա Բիզնես ակումբի նախաձեռնած ինտերակտիվ ձևաչափով հանդիպմանը  գործարարներն ուսումնասիրել են հաղթող բանակցություններ վարելու հմտություններն ու ամուր բիզնես կապեր ստեղծելու մշակույթը։ Այս անգամ Ակբա Բիզնես ակումբի հյուրը եղել է ScaleUp ընկերության համահիմնադիր, գործադիր տնօրեն Բուզանդ Մկրտչյանը, ով իր տարիների փորձի հիման վրա մասնակիցներին ներկայացրել է ճիշտ և հաղթող բանակցություններ վարելու մեթոդաբանությունը, հաղորդակցման հմտությունների կիրառման եղանակները, բանակցություններին նախապատրաստման փուլերը: «Արդեն երկու տարի է, ինչ Ակբա Բիզնես ակումբը միավորում է 150-ից ավելի գործարարի։ Նմանատիպ միջոցառումների արդյունքում գործարարները ծանոթանում են  միմյանց հետ և ստեղծվում են նոր գործարար կապեր։ Սա Ակբա Բիզնես ակումբի գործունեության ամենակարևոր մասերից է»,- նշել է Ակբա բանկի ՓՄՁ և կորպորատիվ բիզնեսի տնօրեն Նորիկ Նազարյանը։ «Բանակցությունների մեջ ամենակարևորն այն է, թե դրանց ինչպես ես պատրաստվում և ինչպես վարում՝ իմանալով դիմացինի թույլ և ուժեղ կողմերը։ Բիզնես ակումբների գոյությունը շատ անհրաժեշտ է. ուրախ եմ, որ Ակբա բանկը իրականացրել է այս նախաձեռնությունը։ Ակբան Հայաստանում առաջին բանկն է, որն ունի իր բիզնես ակումբը, ինչը հավելյալ վստահություն է ստեղծում բանկի նկատմամբ»,- նշել է ScaleUp ընկերության համահիմնադիր, գործադիր տնօրեն Բուզանդ Մկրտչյանը։ Հայաստանի բանկային համակարգում Ակբան միակն է, որը բիզնես ակումբի հիմնադրմամբ ստեղծեց նոր մշակույթ՝ գործարարներին միավորելու և գործընկերային հարաբերությունները զարգացնելու նպատակով։ Գործարարներն Ակբա Բիզնես ակումբին կարող են միանալ sme.acba.am կայքի միջոցով, որտեղ կծանոթանան նաև առաջիկա միջոցառումներին և գործընկերների հատուկ առաջարկներին։ «Ակբա Բիզնես Փարթնր» ենթաբրենդի ներքո ՓՄՁ ղեկավարներին հնարավորություն է տրվում ձեռք բերել նոր գիտելիքներ և կառավարման համար անհրաժեշտ գործիքներ, հաստատել նոր գործարար կապեր, ինչպես նաև դառնալ բիզնես համայնքի անդամ։ «Ակբա Բիզնես Փարթնր» ենթաբրենդի շրջանակում ՓՄՁ ղեկավարները կարող են՝

• մասնակցել անվճար բիզնես դասընթացների,
• դառնալ Ակբա Բիզնես ակումբի անդամ,
• օգտվել sme.acba.am օնլայն բիզնես հարթակի հնարավորություններից,
• առավել ճանաչելի դարձնել սեփական արտադրանքը՝ մասնակցելով «Արտադրված է մեր գործընկերների կողմից» նախագծին

Ակբա Բիզնես ակումբը հարթակ է, որը հնարավորություն է ընձեռում ՓՄՁ ղեկավարներին հաստատել նոր գործարար կապեր, մասնակցել թեմատիկ միջոցառումների, լինել բիզնես իրադարձությունների կիզակետում, ինչպես նաև օգտվել գործընկեր կազմակերպությունների կողմից տրամադրվող հատուկ առաջարկներից։ Ակբա Բիզնես ակումբը նոր հեռանկարների և հնարավորությունների սկիզբ է բիզնեսների համար։ Մանրամասն՝ տեսանյութում։ https://youtu.be/Ys1DrGyDpXk Բանկը վերահսկվում է ՀՀ ԿԲ կողմից։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: