Ղազախստանի արդյունաբերության և ենթակառուցվածքների զարգացման նախարարությունը մշակել է այլընտրանքային ուղիներ արտահանման և տարանցիկ բեռների փոխադրման համար, մարտի 29-ին հայտնել է գերատեսչության ղեկավար Կայրբեկ Ուսկենբաևը։ Ըստ նրա, խոսքը գնում է «ապրանքների լոգիստիկ մատակարարման շղթաների խափանումը կանխելու օպերատիվ միջոցառումների մասին»։ «Արտահանման բեռները կուղղորդվեն դեպի Լատվիայի նավահանգիստներ և Տրանսկասպյան միջազգային տրանսպորտային երթուղի (ТМТМ)»,- ասել է նախարարը։
ТМТМ-ի շրջանակներում, ըստ Ուսկենբաևի, պայմանավորվածություն է ձեռք բերվել Ադրբեջանի, Վրաստանի և Թուրքիայի հետ համատեղ ձեռնարկություն ստեղծել երթուղու վրա, որը նման է UTLC ERA-ին (Բելառուսի, Ղազախստանի և Ռուսաստանի երկաթուղիներ): TMTM-ի երկայնքով բեռնափոխադրումների ավելացման համար նախատեսվում է ազատ տնտեսական գոտու հիման վրա բեռնարկղային հանգույց ստեղծել Կասպից ծովի արևելյան ափին գտնվող ղազախական Ակտաու նավահանգստում:
