![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2023/02/2022-11-27T182819Z_789917286_RC2HUX9BEWND_RTRMADP_3_CLIMATE-UN-pic_32ratio_900x600-900x600-4414.jpg)
ԱՄՆ-ը դեմ չի գնա Հնդկաստանին ռուսական նավթ գնելու համար,- այս մասին հայտարարել է պետքարտուղարի Եվրոպայի և Եվրասիայի հարցերով օգնական Կարեն Դոնֆրիդը, հայտնում է հնդկական NDTV հեռուստաալիքը։ «Ես ուզում եմ հստակ ասել, որ մենք չենք պատրաստվում պատժամիջոցներ կիրառել Հնդկաստանի դեմ։ Հնդկաստանի հետ մեր գործընկերությունը մեր ամենակարեւորներից մեկն է»,- ասել է Դոնֆրիդը:
Ռուսական նավթի գնային շեմ սահմանելու մասին որոշումը, որն ընդունվել է Եվրամիության երկրների, G7-ի և Ավստրալիայի կողմից, ուժի մեջ է մտել 2022 թվականի դեկտեմբերի 5-ից։ Գների առաստաղը սահմանվել է մեկ բարելի դիմաց 60 դոլար։Հնդկաստանը չի աջակցել Արևմուտքի կողմից սահմանված ռուսական նավթի գնի առաստաղին։ Այս երկիրն աշխարհում հում նավթի մեծությամբ երրորդ ներկրողն է Չինաստանից և ԱՄՆ-ից հետո և ակտիվորեն գնում է ռուսական նավթ։ Ավելի վաղ Bloomberg-ը հայտնել էր, որ Հնդկաստանը կվերամշակի ռուսական նավթը և այն հետ կուղարկի Եվրամիություն ՝ որպես դիզվառելիք։
Մեկնաբանություն