Բալթյան երկրները դադարեցրել են ռուսական բնական գազի ներկրումը,- հայտարարել է լատվիական գազահաղորդման համակարգի (GTS) Conexus Baltic Grid օպերատորի ղեկավար Ուլդիս Բարիսը։ Այս մասին հաղորդում է France-Presse-ը։
Նրա խոսքով՝ ապրիլի 1-ից ռուսական բնական գազ այլեւս չի մատակարարվում Լատվիային, Էստոնիային և Լիտվային։
«Եթե դեռևս որոշակի կասկածներ կային, թե արդյոք վստահություն կա՞ Ռուսաստանից մատակարարումների նկատմամբ, ապա ընթացիկ իրադարձությունները մեզ ակնհայտորեն ցույց են տալիս, որ վստահություն այլևս չկա», — ասաց Ուլդիս Բարիսը։ Նա հավելել է, որ ապրիլի 2-ի դրությամբ գազային համակարգերի Լիտվա-Բելառուսական հանգույցում ռուսական գազի ներմուծումը հավասար է զրոյի։ Բարիսը նշել է, որ Բալթյան շուկան ներկայումս սպասարկվում է Լատվիայի գազի պաշարներով։
JavaScript seems to be disabled in your browser. You must have JavaScript enabled in your browser to utilize the functionality of this website.
