Ռոբոտային վիրահատություններ՝ «Էրեբունի» ԲԿ-ՈՒՄ

Հայաստանի Հանրապետության առողջապահության նախարար Անահիտ Ավանեսյանն այցելել է «Էրեբունի» բժշկական կենտրոն, որտեղ հետևել է ռոբոտային վիրաբուժական համակարգով կատարվող վիրահատությանը։

Օնկոուրոլոգ Արման Ծատուրյանը քաղցկեղի կապակցությամբ շագանակագեղձի արմատական հեռացում` պրոստատէկտոմիա է կատարել:

Սա ռոբոտային վիրաբուժական համակարգով թվով տասներորդ վիրահատությունն է «Էրեբունի» բժշկական կենտրոնում:

«Էրեբունի» բժշկական կենտրոնի գործադիր տնօրեն Միքայել Մանուկյանը նախարարին Է  ներկայացրել ռոբոտային վիրաբուժության առանձնահատկությունները, քննարկել  բարձր տեխնոլոգիական հնարավորություննեը, մասնավորապես նշել առավելությունները ուռուցքաբանության մեջ: 

Մեկ անգամ ևս շեշտվել է, որ ռոբոտն ինքնուրույն չի գործում․ այն  ամբողջովին կրկնում է բժշկի  ձեռքերի նուրբ շարժումները։



*գովազդ