S&P Global Ratings-ը իջեցրել է ուկրաինական արտարժույթի երկարաժամկետ վարկանիշը S&P Global Ratings միջազգային վարկանիշային գործակալությունը իջեցրել է Ուկրաինայի արտարժույթի երկարաժամկետ վարկանիշը։ Այս մասին հայտնում է РИА Новости-ն։ Նշվում է, որ երկրի վարկանիշը CCC+-ից իջեցվել է CC։ Երկարաժամկետ սուվերեն վարկանիշի կանխատեսումը բացասական է։ Մայիսին S&P-ն իջեցրեց Ուկրաինայի երկարաժամկետ արտարժույթի սուվերեն վարկանիշը B-ից մինչև CCC+: Գործակալությունն ենթադրում  է, որ երկրում ճգնաժամը կձգձգվի։ Բացի այդ, հուլիսին Fitch-ը նվազեցրեց Ուկրաինայի թողարկողի դեֆոլտի երկարաժամկետ վարկանիշը CCC-ից մինչև C: Այնուամենայնիվ, տնտեսագետ և Trade123-ի գործադիր տնօրեն Վլադիմիր Ռոժանկովսկին կանխատեսել է, որ երկիրը մոտ ապագայում չի բախվի դեֆոլտի։