Apple-ի զուտ շահույթը ֆինանսական տարվա համար (ավարտվել է սեպտեմբերի 25-ին) աճել է մինչև 99,803 մլրդ դոլար ՝ ավելանալով 5,4%-ով: Այս մասին հաղորդվում է ընկերության ֆինանսական հաշվետվություններում։ Մեկ բաժնետոմսի նոսրացված շահույթը կազմել է 6,11 դոլար: Ընդ որում, մեկ տարի առաջ այս ցուցանիշը $5,61 մակարդակում էր։ Եկամուտն աճել է մեկ երրորդով ՝ մինչև 394,328 միլիարդ դոլար։
Կազմակերպության տվյալներով ՝ չորրորդ եռամսյակում զուտ շահույթը մնացել է գրեթե անփոփոխ և եղել է 20,721 մլրդ դոլարի մակարդակում, եկամուտներն աճել են 8,1%-ով ՝ հասնելով ռեկորդային 90,146 մլրդ դոլարի։Apple-ի ֆինանսական տնօրեն Լուկա Մաեստրին ասել է, որ չորրորդ եռամսյակի ռեկորդային ցուցանիշը ցույց է տվել ընկերության կարողությունը արդյունավետ գործելու նույնիսկ տնտեսական անկայունության պայմաններում:
Հոկտեմբերի սկզբին 9To5Mac-ը հայտնել էր, որ 2022 թվականի սեպտեմբերին Apple-ի եկամուտը App Store-ից նվազել է 5%-ով ՝ նախորդ տարվա նույն ժամանակահատվածի համեմատ։ Ամենից շատ (14%-ով) ընկերության եկամուտները նվազել են խաղերից։Մինչ այս Apple-ը, որը քննադատության էր ենթարկվել App Store թվային խանութի հասցեին, ի պաշտպանություն հարթակի, նշել էր, որ հարթակի շնորհիվ աշխատատեղեր է ստեղծում փոքր բիզնեսի համար։
