Փետրվարի 17-18-ը բացահայտվել է 178 հանցագործություն․ ոստիկանություն

Ըստ ոստիկանության օպերատիվ հաղորդագրությունների ամփոփագրերի՝ փետրվարի 17-18-ը հանրապետությունում բացահայտվել է 178 հանցագործություն, որոնցից 6-ը՝ նախկինում կատարված։

Բացահայտված դեպքերից՝

• 76-ը՝ տրանսպորտային միջոց վարելու իրավունքից զրկված կամ կասեցված կամ այդ իրավունքը չունեցող անձի կողմից վարելու,

• 19-ը՝ թմրանյութի հայտնաբերման,

• 12-ը՝ խարդախության,

• 9-ը՝ հոգեկան ներգործության,

• 8-ական դեպք՝ փաստաթուղթ կեղծելու և սառը զենքի հայտնաբերման,

• 6-ը՝ ֆիզիկական ներգործության,

• 4-ական դեպք՝ խուլիգանության և թմրանյութի իրացման,

• 3-ական դեպք՝ անձնական ունեցվածքի գողության, համակարգչային հափշտակության և զենք-զինամթերքի առգրավման,

• 2-ական դեպք՝ մարմնական վնասվածք պատճառելու, գույքը ոչնչացնելու կամ վնասելու։

Բացահայտվել են նաև բնակարանային գողության, ապօրինի ձեռնարկատիրական գործունեության, դրամանենգության, կենդանիների նկատմամբ դաժան վերաբերմունքի, կաշառք տալու կամ ստանալու, ծառերը և թփերը ապօրինի հատելու, աշխատանքի անվտանգության կանոնները խախտելու, հետամտելու, ապօրինի միացում կատարելու, ֆինանսական բուրգ ստեղծելու, անհետաձգելի միջամտության որոշումը չկատարելու և այլ դեպքեր։

Նախկինում կատարված հանցագործություններից բացահայտվել է 5 դեպք՝ անձնական ունեցվածքի գողության և 1 դեպք՝ անձի տիրապետությունից դուրս եկած գույքին տիրանալու։

Հայտնաբերվել է 10 հետախուզվող, ինչպես նաև 1 անհայտ կորած անձ։

Գրանցվել է զենք-զինամթերք կամավոր հանձնելու 3 դեպք։

ՃՏՊ վիճակագրություն․ մեկ օրում գրանցվել է 10 ավտովթար, 13 մարդ ստացել է տարբեր աստիճանի մարմնական վնասվածքներ։