Հայաստանում գնաճը կլինի զրոյին մոտ ամբողջ երրորդ եռամսյակում. ԵԶԲ

Եվրասիական զարգացման բանկն (ԵԶԲ) ակնկալում է, որ երրորդ եռամսյակում գնաճը Հայաստանում կմնա զրոյին մոտ: «Դրա գործոններն են դրամի ամրապնդումը, արտաքին գնային ճնշման նվազումը և խիստ դրամավարկային պայմանները։ Այս ֆոնին ՀՀ կենտրոնական բանկը որոշել է երկրորդ անգամ անընդմեջ նվազեցնել վերաֆինանսավորման տոկոսադրույքը 0,25 տոկոսային կետով՝ մինչև 10,25%», - ասվում է ԵԶԲ վերլուծաբանների սմենշաբաթյա ակնարկում։ Նշվում է, որ հուլիսին Հայաստանում գները տարեկան կտրվածքով նվազել են 0,1%-ով՝ մեկ ամիս առաջ 0,5%-ով նվազելուց հետո։ «Դրան նպաստել է պարենային պարենային հատվածում գնաճի թուլացումը (հուլիսին մինուս 3,9%` մինուս 5,1% մեկ ամիս առաջ)՝ ներմուծվող ապրանքների էժանանալու պատճառով։ Նվազել են նաև ներկրվող վառելիքի գները (մինուս 7.2%), դանդաղել է այլ ոչ պարենային ապրանքների և ծառայությունների գների աճը»,- ասվում է հետազոտության մեջ։ Հայաստանի տնտեսական աճը 2023 թվականի պետական բյուջեում նախատեսված է 7 տոկոսի չափով, իսկ գնաճն ամրագրվել է 4 տոկոս (± 1,5%)։ Հայաստանի տնտեսական ակտիվության ցուցանիշը, ըստ նախնական տվյալների, 2023 թվականի առաջին կիսամյակում, 2022 թվականի հունվար-հունիսի համեմատ, աճել է 11,4 տոկոսով։ ԿԲ–ի հունիսի կանխատեսմամբ՝ ընթացիկ տարի Հայաստանի տնտեսությունը կաճի 6,9 տոկոսով, իսկ 12-ամսյա գնաճը 4 տոկոս նպատակային ցուցանիշից փոքր-ինչ ցածր կլինի։ Աղբյուրը՝   arka.am