Ճապոնական մետրոպոլիտենի օպերատոր Tokyo Metro-ի բաժնետոմսերը աճել են 45%-ով՝ հաջողված IPO-ի արդյունքում: Ընկերությունը հավաքագրել է 348.6 միլիարդ իեն (2.3 միլիարդ դոլար) Ճապոնիայում վեց տարվա ընթացքում իրականացված ամենամեծ նախնական հրապարակային առաջարկի միջոցով:
Ըստ Reuters-ի՝ ընդհանուր IPO-ին բաժանորդագրվել են սպասվածից 15 անգամ ավելի շատ, մինչդեռ մանրածախ ներդրողների համար հասանելի մասը՝ ընդհանուր չափի գրեթե չորս հինգերորդը, գերբաժանորդագրվել է մոտ 10 անգամ:
Ճապոնական բաժնետոմսերը կտրուկ աճել են 2023 թվականին, և երկիրը անցյալ տարի համարվել է Ասիայի լավագույն շուկան՝ ավելի քան 28% շահույթով: 2024 թվականին երկրի բաժնետոմսերի հենանիշը՝ Nikkei 225-ը, գրանցել է բոլոր ժամանակների ամենաբարձր ցուցանիշը՝ 16.41% աճով։
Ֆրանսիական ավտոարտադրող Renault-ն հաղորդել է եռամսյակային եկամուտների անսպասելի աճի մասին՝ պայմանավորված ավելի թանկ նոր մոդելների մեծ պահանջարկով:
Եկամուտները կազմել են 10.7 միլիարդ եվրո, ինչը 1.8%-ով ավելի է նախորդ տարվա համեմատ և գերազանցում է վերլուծաբանների՝ 10.3 միլիարդ եվրոյի կանխատեսումը: Renault-ն այն սակավաթիվ եվրոպական ավտոարտադրողներից է, որի արդյունքները չեն նվազել՝ շուկայի կտրուկ անկման պայմաններում:
Եվրոպական ավտոարտադրողները պայքարում են աճող ծախսերի և ցածր պահանջարկի, ինչպես նաև էլեկտրական մեքենաներ արտադրող չինական մրցակիցների դեմ, որոնք ավելի էժան մեքենաներ են արտադրում, քան արևմտյան ընկերությունները: Renault-ի մեկ բաժնետոմսի արժեքը հոկտեմբերի 25-ի դրությամբ կազմում է 43.3 Եվրո:
ԴԻՄԵՔ ՄԵԶ՝
info@limitlessam.com
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
