FT. ԵՄ երկրները վախենում են ՌԴ պատասխան գործողություններից Եվրամիության մի քանի երկիր մտավախություն ունի, որ Մոսկվան կարող է պատասխան քայլեր ձեռնարկել, եթե ռուսաստանյան գազի գնի շեմ մտցվի, եւ որպես հակազդեցություն՝ ամբողջությամբ դադարեցնի մատակարարումը: բրիտանական Financial Times Թերթի տվյալներով՝ առնվազն 10 երկիր կողմ է բոլոր մատակարարների համար ընդհանուր սահմանափակումներին։ Սակայն Կառավարությունները մտավախություն ունեն, որ միայն Ռուսաստանի նկատմամբ սահմանափակում կիրառելը կարող է զայրացնել Մոսկվային։ Նման երկրների թվում առանձնանում են Հունաստանը, Իտալիան եւ Լեհաստանը։ Թերթի տվյալներով՝ միայն ռուսաստանյան գազի գնի շեմի ներդրումը կպահանջի միության անդամ բոլոր 27 երկրի հավանությունը։ Հունգարիան, Ավստրիան եւ Նիդեռլանդները դեմ են ցանկացած սահմանափակման։