Եվրոպական կենտրոնական բանկն այս տարի արդեն երրորդ անգամ նվազեցրել է վերաֆինանսավորման տոկոսադրույքը 0.25 տոկոսային կետով՝ սահմանելով 3.25%: ԵԿԲ-ն տեղեկացրել է նաև, որ գնաճն իր թիրախային մակարդակին կհասնի 2025թ.-ի 2-րդ կեսին։
Apple-ի բաժնետոմսերը արհեստական բանականությամբ աշխատող Iphone-ների շնորհիվ ընկերության շահույթի աճի վերաբերյալ դրական սպասումների ֆոնին 2․7% աճ են գրանցել և հասել ռեկորդային՝ 237.49 դոլարի՝ ամրապնդելով ընկերության դիրքերը որպես աշխարհի խոշորագույն ընկերություն, որի շուկայական արժեքը 3.6 տրիլիոն ԱՄՆ դոլար է։
Չինաստանում տարվա երրորդ եռամսյակում գրանցվել է 2023թ.-ից ի վեր ամենափոքր տնտեսական աճը՝ 4.6%: Թեև սպառման և արտադրության ցուցանիշները գերազանցում են կանխատեսումները, անշարժ գույքի շուկայի անկումը շարունակում է մնալ տնտեսության գլխավոր մարտահրավերը։
ԱՄՆ-ում գործազրկության նպաստի առաջնային դիմումների թիվը հոկտեմբերի 12-ին ավարտվող շաբաթվա ընթացքում անսպասելիորեն նվազել է 19,000-ով և կազմել 241,000։ Reuters-ի հարցումների արդյունքներով շաբաթվա համար կանխատեսվում էր 260,000 դիմում։
UBS Global Research-ը բարելավել է S&P 500 ինդեքսի տարեվերջյան արժեքի իր թիրախային ցուցանիշը մինչև 5,850՝ նախապես կանխատեսված 5,600-ի փոխարեն։
Աղբյուր՝ finarm.am
