Իսկ Գյումրիում պաշտոնական թվերով դեռ կա 2743 տնակ։ Դրանց մի մասը բնակեցված չէ։ Կառավարության նոր որոշմամբ մինչև 2027 թ.-ը հանրապետությունն ազատվելու է բոլոր տնակներից։
Բնակարանը ստացած-վաճառածի համար պետությունը մեկ տարի տուն կվարձակալի, մինչև բնակության վայրի հարցը լուծի: Երկրորդ եղանակը բնակարանի գնման վկայագրի ծրագիրն է։
Բնակարանի գնման վկայագիր կստանա այն ընտանիքը, որը բազմանդամ է, և տնակից բնակարան է տեղափոխվել ընտանիքի մի մասը, իսկ մյուս մասը դարձյալ մնացել է տնակում։
Ինչպես է լուծվելու այն քաղաքացիների հարցը, որոնք երկրաշարժին տուն չեն կորցրել և սեփականություն էլ չունեն, տնակում են սոցիալապես անապահով լինելու պատճառով: Այս դեպքում ընտանիքը կդառնա աջակցության երրորդ տարբերակի՝ Սոցիալական բնակարաններ ծրագրի շահառու:
Կառավարության ծրագրերով նախատեսվում է առաջիկա հինգ տարում ապամոնտաժել բոլոր տնակներն այնպես, որ որևէ մեկը փողոցում չմնա: Մինչև գալիք տարվա փետրվարի 10-ը ծրագիրը վերջնական տեսք կստանա և կսկսի գործել։
JavaScript seems to be disabled in your browser. You must have JavaScript enabled in your browser to utilize the functionality of this website.
