Քիմ Քարդաշյանը ստեղծում է ներդրումային ընկերություն Հեռուստաաստղ եւ մոդել Քիմ Քարդաշյանը մոտ ապագայում պատրաստվում է բացել SKKY Partners ներդրումային ընկերությունը։ The Wall Street Journal-ի տվյալներով՝ Քարդաշյանի բիզնես գործընկերը կլինի ներդրումային փորձագետ Ջեյ Սամոնսը, որը 16 տարի աշխատել է ամերիկյան Carlyle Group խոշորագույն ներդրումային հիմնադրամներից մեկում։ SKKY Partners-ը ներդրումներ կկատարի այնպիսի ոլորտների ընկերություններում, ինչպիսիք են սպառողական ապրանքները, հյուրանոցային բիզնեսը, շքեղության առարկաները, թվային առեւտուրը, ժամանցը եւ մեդիաները: Նախատեսվում է, որ SKKY Partners-ն իր առաջին ներդրումը կկատարի մինչեւ տարեվերջ: Քարդաշյանն ու Սամոնսը չեն բացահայտել, թե որքան փող ունեն ընկերության գործունեության համար։