Ճապոնական հսկայի բաժնետոմսերը, որը հանդիսանում է աշխարհի խոշորագույն տեխնոլոգիական ներդրողներից մեկը՝ իր հսկայական Vision Fund-ով, նվազել են Ճապոնիայում տոկոսադրույքների բարձրացման հետևանքով: Միևնույն ժամանակ Nikkei 225 ինդեքսը գրանցել է 12.4% կորուստ, ինչը 1987 թվականից ի վեր վատագույն արդյունքն է:
Նախքան վերջին մի քանի օրերի անկումը, SoftBank-ի բաժնետոմսերն այս տարի բարձրացել էին և նույնիսկ հասել նոր ռեկորդային մակարդակի՝ պայմանավորված Vision Fund-ի շարունակական վերականգնումով, ինչպես նաև Բրիտանական չիպարտադրող Arm-ի, որի բաժնետոմսերի մոտավորապես 90%-ը պատկանում է SoftBank-ին, արժեքի բարձրացմամբ: SoftBank-ի մեկ բաժնետոմսի արժեքը օգոստոսի 5-ի դրությամբ կազմել է 24 ԱՄՆ դոլար:
Lucid Group-ի ամենամեծ բաժնետերը՝ Սաուդյան Արաբիայի Հանրային ներդրումների հիմնադրամը, 1.5 միլիարդ դոլար գումար կներդնի՝ նոր ամենագնացի արտադրությունն ընդլայնելու համար:
Գործարքը տեղի կունենա այս տարվա վերջին՝ Lucid-ի կողմից իր այդքան սպասված Gravity ամենագնացի արտադրությունից անմիջապես առաջ և EV արտադրողը բավականաչափ ֆինանսավորում կունենա մինչև 2025 թվականի չորրորդ եռամսյակը:
Ամենագնացի արտադրությունից բացի ընկերությունը Սաուդյան Արաբիայում կկառուցի գործարան, որը նախատեսում է տարեկան 150,000 ավտոմեքենա թողարկել: Lucid Group-ի մեկ բաժնետոմսի արժեքը օգոստոսի 6-ի դրությամբ կազմել է 3 ԱՄՆ դոլար:
Սպորտային հագուստ արտադրող գերմանական Puma-ն երկրորդ եռամսյակի արդյունքները հրապարակելուց հետո կրճատել է ողջ տարվա հիմնական շահույթի կանխատեսվող ցուցանիշը՝ պայմանավորված արժույթային տատանումներով, բեռնափոխադրումների ծախսերի ավելացմամբ և սպառողների տրամադրությունների շարունակական փոփոխություններով:
Puma-ն, որը վերջերս նոր մարքեթինգային նախաձեռնություններ է սկսել՝ փորձելով ավելի արդյունավետ մրցակցել մեծ ընկերությունների հետ, ինչպիսիք են Adidas-ը և Nike-ը, պայքարում է սպառողների ցածր պահանջարկի և սպորտային հագուստի մանրածախ առևտրում ավելցուկային պաշարների դեմ, որոնց միջոցով նա իրականացնում է իր վաճառքի մեծ մասը: Ընկերության բաժնետոմսերը նվազել են մոտ 12%-ով՝ օգոստոսի 8-ի դրությամբ մեկ բաժնետոմսի դիմաց կազմելով 36 Եվրո:
Eli Lilly-ի բաժնետոմսերն աճել են մինչև 14%-ով , երբ դեղարտադրողը հաղորդել է երկրորդ եռամսյակի կայուն եկամուտների մասին, որոնք պայմանավորված են քաշի կորստի հայտնի դեղամիջոցների նկատմամբ մեծ պահանջարկով: Ընկերությունն ավելի շատ մատակարարումներ է ապահովել իր հակադիաբետիկ դեղամիջոցների՝ Zepbound-ի և Mounjaro-ի մասով՝ ապահովելով 11.30 մլրդ դոլար եկամուտ երկրորդ եռամսյակում:
Mounjaro-ն, որը նախատեսված է II տիպի շաքարախտի համար, եռամսյակում ապահովել է 3.1 մլրդ դոլարի վաճառք, ինչը գերազանցել է նախորդ տարվա ցուցանիշը 215%-ով: Zepbound-ը, որը նախատեսված է քաշի կորստի համար, եռամսյակում ապահովել է 1.2 մլրդ դոլարի վաճառք: Դեղորայքը թողարկվել է 2023 թվականի չորրորդ եռամսյակում: Ընկերության մեկ բաժնետոմսի արժեքը օգոստոսի 8-ի դրությամբ կազմել է 845 ԱՄՆ դոլար:
ԴԻՄԵՔ ՄԵԶ՝
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
