Մարտի 12-ի կարևոր լուրերը

Ինչ է կատարվել Հայատանում և աշխարհում։

Հաշվառման-քննական ստորաբաժանումներում փոփոխություններ

Քաղաքացիների սպասարկումն ավելի արագ և հարմար կազմակերպելու նպատակով ՆԳ նախարարի հանձնարարությամբ իրականացվել են կարևոր փոփոխություններ։ Մարտ ամսվա բոլոր շաբաթ օրերը հաշվառման-քննական ստորաբաժանումներում սահմանվել են որպես աշխատանքային։ Ներդրվել են նաև հերթագրման համակարգի նոր տեխնիկական լուծումներ, ինչի արդյունքում հերթերը զգալիորեն նվազել են։
#Հայաստան #ՆԳՆ #Ծառայություններ #Քաղաքացիներ

Հայաստանին մոտենում է նոր ցիկլոն

Գագիկ Սուրենյանի տեղեկացմամբ՝ Միջերկրական ծովի շրջաններից Հայաստանին մոտենում է հերթական ցիկլոնը։ Այն կգործի մարտի 13-ի լույս 14-ի գիշերից մինչև մարտի 16-ը ներառյալ։ Շրջանների մեծ մասում սպասվում են տեղումներ, լեռնային գոտիներում՝ ձյուն, հովտային հատվածներում՝ թաց ձյուն և անձրև։
#Հայաստան #Եղանակ #Ցիկլոն #ԳագիկՍուրենյան

G7-ը կպահպանի Ռուսաստանի դեմ պատժամիջոցները

Ֆրանսիայի նախագահ Էմանուել Մակրոնը հայտնել է, որ G7-ի առաջնորդները համաձայնել են պահպանել Ռուսաստանի դեմ պատժամիջոցները՝ չնայած նավթի բարձր գներին։ Միաժամանակ նախատեսվում է բանակցել մի շարք երկրների հետ՝ արտահանման սահմանափակումներից խուսափելու համար։
#Ֆրանսիա #G7 #Ռուսաստան #Պատժամիջոցներ

Իրանը պահանջում է երաշխիքներ և փոխհատուցում

Իրանի նախագահ Մասուդ Փեզեշքիանը հայտարարել է, որ Իրանը հանձնառու է խաղաղությանը, սակայն պահանջում է ԱՄՆ-ից և Իսրայելից հստակ երաշխիքներ ու փոխհատուցումներ։ Նրա խոսքով՝ պատերազմը դադարեցնելու միակ ճանապարհը Իրանի իրավունքների ճանաչումն է և ապագա ագրեսիայի բացառումը։
#Իրան #Փեզեշքիան #ՄերձավորԱրևելք #Քաղաքականություն

Իսրայելը նոր հարվածներ է հասցրել Թեհրանին

Իսրայելական բանակը հայտնել է Թեհրանի վրա նոր հարվածների մասին։ Թիրախների թվում եղել են ԻՀՊԿ ռազմաօդային ուժերի հրամանատարական կետեր, բալիստիկ հրթիռների պահեստներ և ռազմական կառավարման կենտրոններ։
#Իսրայել #Իրան #Թեհրան #ՌազմականԳործողություններ

Բրիտանական թղթադրամների վրա կարող են հայտնվել կենդանիներ

Անգլիայի կենտրոնական բանկը նախատեսում է նոր ֆունտ ստեռլինգ թղթադրամների վրա պատկերել բրիտանական վայրի բնության կենդանիներին՝ փոխարինելով պատմական դեմքերին։ Որոշումը հիմնված է հանրային հարցման արդյունքների վրա։
#ՄեծԲրիտանիա #ՖունտՍտեռլինգ #Թղթադրամներ #BankOfEngland

Թրամփը կարծում է, որ պատերազմը շուտով կավարտվի

Axios-ին տված հարցազրույցում Դոնալդ Թրամփը հայտարարել է, որ Իրանի տարածքում գրեթե այլևս թիրախներ չեն մնացել, և պատերազմը կարող է շուտով ավարտվել։
#ԱՄՆ #Թրամփ #Իրան #Պատերազմ

Իսրայելը հայտարարում է երկարատև պատերազմի մասին

Իսրայելի պաշտպանության նախարար Իսրայել Կացը հայտարարել է, որ պատերազմը կշարունակվի այնքան, որքան անհրաժեշտ կլինի և առանց ժամանակային սահմանափակման։
#Իսրայել #Իրան #Պատերազմ #ՄերձավորԱրևելք

Իրանը ականապատում է Հորմուզի նեղուցը

Իրանը սկսել է ականապատել Հորմուզի նեղուցը, որտեղով անցնում է աշխարհի նավթի մոտ 20 տոկոսը։ ԱՄՆ զինուժը հայտնել է, որ ոչնչացրել է ականներ տեղադրող իրանական 16 նավ։
#Իրան #ՀորմուզիՆեղուց #Նավթ #ԱՄՆ

ՄԱԿ ԱԽ-ն պահանջել է դադարեցնել հարձակումները

ՄԱԿ-ի Անվտանգության խորհուրդը բանաձև է ընդունել՝ պահանջելով Իրանից դադարեցնել հարձակումները արաբական երկրների վրա։ Փաստաթղթին կողմ է քվեարկել 13 երկիր, իսկ Ռուսաստանն ու Չինաստանը ձեռնպահ են մնացել։
#ՄԱԿ #ԱնվտանգությանԽորհուրդ #Իրան #Քաղաքականություն

Նավթի գինը կարող է հասնել 200 դոլարի

Իրանի ռազմական հրամանատարությունը հայտարարել է, որ պատերազմը շարունակվելու դեպքում նավթի մեկ բարելի գինը կարող է հասնել մինչև 200 դոլարի։
#Նավթ #Տնտեսություն #Էներգետիկա #ՄերձավորԱրևելք

Աշխարհը նավթ է բաց թողնում պահուստներից

Միջազգային էներգետիկ գործակալության անդամ 32 երկրներ համաձայնել են շուկա բաց թողնել 400 միլիոն բարել նավթ՝ վառելիքի կտրուկ թանկացումը զսպելու համար։
#Էներգետիկա #Նավթ #ՄիջազգայինՇուկա #Տնտեսություն

Ստրասբուրգում բացվել է Հայոց այբուբենի հուշարձանը

Եվրոպական խորհրդարանի վարչական շենքի հարակից տարածքում տեղադրվել է Հայոց այբուբենի հուշարձանը։ Բացմանը ներկա են եղել վարչապետ Նիկոլ Փաշինյանն ու Եվրոպական խորհրդարանի նախագահ Ռոբերտա Մեցոլան։
#Հայաստան #ՀայոցԱյբուբեն #Ստրասբուրգ #ԵվրոպականԽորհրդարան

Իրանը թույլ է տվել որոշ նավերի անցնել Հորմուզի նեղուցով

Իրանը թույլատրել է Հնդկաստանի դրոշի ներքո նավարկող լցանավերին անցնել Հորմուզի նեղուցով՝ Իրանի և Հնդկաստանի արտգործնախարարների բանակցություններից հետո։
#Իրան #Հնդկաստան #ՀորմուզիՆեղուց #Նավթ