Ռուսական որոշ խոշոր արտահանողներ խնդիրներ են ունեցել արտարժութային եկամուտների իրացման հարցում։ Այս մասին գրում է «Վեդոմոստին» ՝ վկայակոչելով շուկայի, Կենտրոնական բանկի և կառավարության աղբյուրներին։
Ընկերությունները, որոնք իրենց ապրանքները վաճառում են եվրոյով և դոլարով, չեն կարող դրանք վաճառել արտարժույթի շուկայում ՝ Կենտրոնական բանկի պահանջները բավարարելու համար (այժմ արտահանողներից պահանջվում է իրենց արտարժութային եկամուտների 80%-ը վաճառել ներքին շուկայում):
«Ведомости»-ի փոխանցմամբ ՝ խնդիրը կապված է եվրոյի և դոլարի կտրուկ կրճատված պահանջարկի հետ ՝ ներկրող ընկերությունները պատժամիջոցների պատճառով կտրուկ կրճատել են շրջանառությունը և այժմ պարզապես արտարժույթի նման քանակի կարիք չունեն։ Իրավիճակը սրվում է ֆիզիկական և իրավաբանական անձանց համար դրա հետ գործառնությունների ներկայիս սահմանափակումներով։
Հրապարակման զրուցակիցներից մեկի խոսքով ՝ եղել են օրեր, երբ արտահանողները, լավագույն դեպքում, Մոսկվայի բորսայում վաճառել են արտարժութային շահույթի պահանջվող 80%-ի կեսը։
Հիշեցնենք, որ փետրվարի 28-ին նախագահ Վլադիմիր Պուտինը կարգադրել է արտահանող ընկերություններին արտարժութային եկամուտների 80%-ը վաճառել ներքին ռուսական շուկայում։ Ավելի ուշ Կենտրոնական բանկը սահմանեց նաև 12% միջնորդավճար բորսայում արժույթ գնելիս, ինչպես նաև սահմանեց դոլարի, եվրոյի և ֆունտի արտերկիր փոխանցման սահմանափակում։
Մեկնաբանություն