Տոնական օրերին սպասվում են ձյուն, քամու ուժգնացում և մերկասառույց

Դեկտեմբերի 30-ի լույս 31-ի գիշերը և առավոտյան ժամերին հանրապետության բոլոր ավտոճանապարհներին կանխատեսվում է մերկասառույց։

«Հիդրոօդերևութաբանության և մոնիթորինգի կենտրոն» ՊՈԱԿ-ը տեղեկացնում է առաջիկա օրերին սպասվող եղանակային պայմանների մասին։

Երևանում դեկտեմբերի 30-ի ցերեկը, 31-ի գիշերը, ինչպես նաև հունվարի 3–4-ին սպասվում է առանց տեղումների եղանակ։ Դեկտեմբերի 31-ի ցերեկը և հունվարի 1–2-ին կանխատեսվում է ձյուն։

Մարզերում դեկտեմբերի 30-ի ցերեկը, 31-ի գիշերը, հունվարի 3–4-ին սպասվում է առանց տեղումների եղանակ։ Դեկտեմբերի 31-ի ցերեկը և հունվարի 1–2-ին շրջանների զգալի մասում սպասվում է ձյուն, իսկ լեռնային մարզերում՝ բուք և ցածր հորիզոնական տեսանելիություն։

Դեկտեմբերի 30-ի լույս 31-ի գիշերը և առավոտյան ժամերին հանրապետության բոլոր ավտոճանապարհներին կանխատեսվում է մերկասառույց։

Քամին կլինի հյուսիս-արևմտյան՝ 2–5 մ/վ արագությամբ։ Դեկտեմբերի 30-ի ցերեկը, 31-ին և հունվարի 1-ին առանձին վայրերում սպասվում է քամու ուժգնացում՝ մինչև 18–23 մ/վ։

Օդի ջերմաստիճանը հունվարի 1-ի գիշերը կբարձրանա 9–11 աստիճանով, իսկ հունվարի 3–4-ին աստիճանաբար կնվազի 14–18 աստիճանով։