ՀՀ տարածքում ավտոճանապարհները հիմնականում անցանելի են. Լարսը բաց է

Վարդենյաց լեռնանցքը երթևեկելի է միայն կցորդով տրանսպորտային միջոցների համար:

Փրկարար ծառայությունը հայտնում է, որ Հայաստանի Հանրապետության տարածքում ավտոճանապարհները հիմնականում անցանելի են։

Միաժամանակ նշվում է, որ Արագածոտնի մարզում փակ են «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։

Վարդենյաց լեռնանցքը երթևեկելի է միայն կցորդով տրանսպորտային միջոցների համար՝ անվաշղթաների կիրառման պայմանով։

Փրկարար ծառայության փոխանցմամբ՝ Վրաստանի ՆԳՆ արտակարգ իրավիճակների դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն, Ստեփանծմինդա–Լարս ավտոճանապարհը բաց է բոլոր տեսակի տրանսպորտային միջոցների համար։

Տեղեկատվության համաձայն՝ ճանապարհային պայմանները պահանջում են ձմեռային երթևեկության համապատասխան տեխնիկական պատրաստվածություն։