Որքան գումար է ծախսել ԱՄՆ-ը մինչ այժմ Իրանի դեմ պատերազմի վրա

Իրանի դեմ ռազմական գործողությունների առաջին 100 ժամվա ընդհանուր արժեքը կազմել է 3.7 միլիարդ դոլար կամ օրական միջինը 891.4 միլիոն դոլար։

Այս մասին նշվում է Ռազմավարական և միջազգային հետազոտությունների կենտրոնի (CSIS) հրապարակման մեջ։

Ըստ գնահատականի՝ ծախսերի մի մասը նախատեսված է գործող բյուջեով, սակայն մեծ մասը՝ մոտ 3.5 միլիարդ դոլար, նախապես բյուջեով չի նախատեսվել։

Փորձագետները նշում են, որ ապագա ծախսերի ծավալը մեծապես կախված կլինի ռազմական գործողությունների ինտենսիվությունից և Իրանի արձագանքի արդյունավետությունից։

Ծախսերի կառուցվածքը

CSIS-ի տվյալներով՝ ծախսերը բաժանված են երեք հիմնական կարգի՝

• Գործառնական ծախսեր՝ մոտ 196 միլիոն դոլար, որից 178 միլիոն դոլարը նախատեսված է բյուջեով, իսկ մնացածը՝ ոչ,

• Զինամթերքի փոխարինում՝ մոտ 3.1 միլիարդ դոլար, որը ներկայումս բյուջեով նախատեսված չէ,

• Մարտական կորուստների փոխհատուցում և ենթակառուցվածքների վերականգնում՝ մոտ 350 միլիոն դոլար, որոնք նույնպես բյուջեով նախատեսված չեն։

Վերլուծաբանները նշում են, որ հակամարտության ձգձգման դեպքում ծախսերը կարող են էապես աճել՝ լրացուցիչ ճնշում գործադրելով պետական ֆինանսների վրա։