Քննարկվել է հայ-ղազախական առևտրի և ներդրումների ընդլայնումը

Կողմերը վերահաստատել են պատրաստակամությունը շարունակել գործնական երկխոսությունը տնտեսական համագործակցության խորացման ուղղությամբ։

ՀՀ էկոնոմիկայի նախարար Գևորգ Պապոյանը մարտի 6-ին ընդունել է Հայաստանում Ղազախստանի Հանրապետության արտակարգ և լիազոր դեսպան Բոլատ Իմանբաևին։

Հանդիպման ընթացքում քննարկվել են տնտեսության ոլորտում երկկողմ փոխշահավետ համագործակցության ընդլայնմանը վերաբերող հարցեր։ Կողմերը անդրադարձել են առևտրաշրջանառության ծավալների ավելացման հնարավորություններին, ինչպես նաև Ղազախստանից դեպի Հայաստան ներդրումային հոսքերի խթանմանը։

Քննարկման օրակարգում ընդգրկվել են նաև տրանսպորտային կապակցվածության ամրապնդման, կայուն մատակարարումների ապահովման, զբոսաշրջության զարգացման և երկուստեք հետաքրքրություն ներկայացնող այլ թեմաներ։

Կողմերը վերահաստատել են պատրաստակամությունը շարունակել գործնական երկխոսությունը տնտեսական համագործակցության խորացման ուղղությամբ։