Հայաստանի քաղաքացիություն է ստացել 16,000 արցախցի

Որպեսզի արցախցիները կարողանան օգտվել բնակարանային ապահովման պետական աջակցության ծրագրից, պետք է ունենան ՀՀ քաղաքացիություն։

Նոյեմբերի 19-ի դրությամբ Հայաստանի քաղաքացիություն ստանալու համար դիմել է 23,122 արցախցի, քաղաքացիություն ստացել է 15,819-ը։ Հայտնել են Հայաստանի ներքին գործերի նախարարությունից։

Որպեսզի արցախցիները կարողանան օգտվել բնակարանային ապահովման պետական աջակցության ծրագրից, պետք է ունենան ՀՀ քաղաքացիություն։

Ըստ ՀՀ աշխատանքի և սոցիալական հարցերի նախարարության՝ նոյեմբերի 7-ի դրությամբ բնակարանային ապահովման պետական աջակցության ծրագրից օգտվելու համար հավաստագիր է ստացել 3,323 ընտանիք (13,308 անձ), որից 1,237-ն (5,333 անձ) արդեն իրացրել է հավաստագիրը։

ՆԳՆ-ից նաև հայտնեցին, որ նոյեմբերի 19-ի դրությամբ ժամանակավոր պաշտպանության վկայական ստանալու համար դիմել և ստացել է 111,853 Ղարաբաղի բնակիչ։

Ավելի վաղ Միգրացիայի և քաղաքացիության ծառայությունից Ինֆոքոմին հայտնել էին, որ բռնի տեղահանվել է շուրջ 150,000 անձ, և նշել էին, որ հստակ թիվ հայտնել հնարավոր չէ։

2023-ի սեպտեմբերին Ադրբեջանը 24-ժամյա ռազմական գործողությունից հետո զավթեց Արցախը։ Հայկական բնակչությունը հարկադրված լքեց իր հայրենիքը և տեղափոխվեց Հայաստան։ Միջազգային մարդասիրական կազմակերպությունները և մարդու իրավունքների պաշտպանները որակել են այս իրադարձությունները որպես էթնիկ զտում։

2023-ի հոկտեմբերի 26-ին ՀՀ կառավարությունն ընդունեց որոշում, որով արցախցիներին ժամանակավոր պաշտպանության տակ է վերցնում և նրանց օրենքի ուժով ճանաչում է փախստական։