ՀՀ տարածքում մի շարք ավտոճանապարհներ փակ են կամ դժվարանցանելի

Փրկարար ծառայությունը հորդորում է երթևեկել բացառապես ձմեռային անվադողերով։

Փրկարար ծառայությունը հայտնում է, որ Հայաստանի Հանրապետության տարածքում առկա են փակ և դժվարանցանելի ավտոճանապարհներ՝ պայմանավորված եղանակային իրավիճակով։

Արագածոտնի մարզում փակ են «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։

Բերդ–Ճամբարակ ավտոճանապարհը փակ է բոլոր տեսակի տրանսպորտային միջոցների համար՝ բքի պատճառով։

Մի շարք ճանապարհներ փակ են կցորդով բեռնատարների համար, մասնավորապես՝
Ջերմուկի խաչմերուկից մինչև «Զանգեր» կոչվող հատվածը,
Նորավան–Լծեն–Տաթև,
Շինուհայր–Տաթև–Կապան,
Քաջարան–Մեղրի,
Վանաձոր–Դիլիջան ավտոճանապարհները։

Վարդենյաց լեռնանցքը փակ է կցորդով բեռնատարների համար և դժվարանցանելի՝ մյուս տրանսպորտային միջոցների համար։ Ելփին–Վայք ավտոճանապարհը դժվարանցանելի է կցորդով բեռնատարների համար։

Արթիկի, Կապանի, Սիսիանի, Գորիսի, Աշոցքի, Ամասիայի, Գավառի, Ապարանի, Արագածի, Նաիրիի, Սպիտակի, Թումանյանի, Ճամբարակի, Մարտունիի, Հրազդանի, Տաշիրի, Սևանի, Աբովյանի, Վայքի և Վանաձորի տարածաշրջանների ավտոճանապարհներին տեղ-տեղ արձանագրվում է մերկասառույց։

Փրկարար ծառայությունը հորդորում է երթևեկել բացառապես ձմեռային անվադողերով։