Suzuki-ն գաղտնազերծել է հինգդռնանի Jimny ամենագնացը Suzuki-ն ներկայացրել է Jimny կոմպակտ ամենագնացի հինգդռնանի տարբերակը: Ավտոմեքենայի նոր մոդիֆիկացիան հասանելի կլինի հնդկական շուկայում,- հայտնում է ավտոարտադրողի մամուլի ծառայությունը։ Հինգդռնանի տարբերակում Jimny-ի ընդհանուր երկարությունը երեքդռնանի տարբերակի համեմատ աճել է կես մետրով ՝ հասնելով 3985 մմ-ի։ Անիվային բազան ավելացել է 340 մմ-ով։ Ամենագնացը ստացել է օրիգինալ հետևի նստատեղեր և հարմարեցված հետևի զարդարանք: Ագրեգատների առումով փոփոխություններ չեն եղել. ինչպես եռադռնանի, այնպես էլ հինգդռնանի Jimny-ն համալրված է 1,5 լիտրանոց բենզինային շարժիչով, որը համակցված է 5-աստիճան մեխանիկական փոխանցման տուփի կամ 4-աստիճան ավտոմատի հետ: Նոր Jimny-ն արտադրվելու է հնդկական Maruti Suzuki գործարանում։ Ճապոնական ամենագնացի ներկայիս սերունդն արտադրվում է 2018 թվականից։