Հայ գործարարների ասոցիացիան՝ ի նպաստ Իտալիայի և Հայաստանի միջև բիզնես համագործակցության Հայ Գործարարների Ասոցիացիան բիզնես այցով Իտալիայում էր։ Եվ հենց Միլանում էլ փետրվարի 7-ին հիմնադրվեց «Իտալիայի և Հայաստանի միջև համագործակցության և զարգացման կենտրոն» ասոցիացիան: Այցը հնարավոր է դարձել «Տաշիր» ընկերությունների խմբի աջակցության շնորհիվ։ «Իտալիայի և Հայաստանի միջև համագործակցության և զարգացման կենտրոն» ասոցիացիան հիմնադրվել է Իտալիայի Հանրապետության օրենսդրության պահանջներին համապատասխան՝ նպատակ ունենալով հետագայում վերակազմավորվել որպես «Իտալա-հայկական առևտրի պալատ» և դրա ներկայացուցչությունը գրանցել Հայաստանում։ Ասոցիացիայի հիմնադիրներն են «General Invest»-ի դիտորդական խորհրդի անդամ՝ Ֆերդինանդո Պելացոն և «Տաշիր» ընկերությունների խմբի առաջին փոխնախագահ՝ Նարեկ Կարապետյանը, ինչպես նաև այլ ինստիտուցիոնալ միավորներ և մասնավոր անձինք: Առևտրային պալատի կարգավիճակ ստանալուց հետո ձեռնարկությունների պաշտոնական ռեգիստրը հասանելի կլինի կազմակերպության համար: Հայ Գործարարների Ասոցիացիայի ուղևորության նպատակն էր խթանել երկու երկրների միջև առևտրային հարաբերություններն ու ներկայացնել Հայաստանի ներդրումային ու արտադրական հնարավորությունները։ Հետևողական ու քրտնաջան աշխատանքի արդյունքում հնարավոր եղավ հայկական շուկայի հետ աշխատանքում հետաքրքրված իտալական ընկերությունների մի լայն խումբ ձևավորել: Ասոցիացիայի նպատակն է աջակցել և ամրապնդել կազմակերպությունների հետ մշտական գործարար կապերը և օպերատիվ փոխգործակցությանը, և երկու երկրների գործարար համայնքների միջև գործակցության նոր ոլորտների որոնմանը։ https://youtu.be/JvGcU17Oc_E