Ներդրումային ոլորտն այսօր 26.06.2024 Համաշխարհային ինդեքսներ Երեքշաբթի ամերիկյան ինդեքսները փակվել են խառը մակարդակներով՝ Dow Jones Industrial Average-ը նվազել է 0,76%-ով հասնելով 39112,16 կետի։ S&P 500-ն ավելացել է 0,46%-ով հասնելով 5472,96 կետի։ Չորեքշաբթի S&P 500-ի ինդեքսի ֆյուչերսները աճում են 0,12%-ով։ Ճապոնական Nikkei 225-ը ավելացել է 0,83%-ով հասնելով 39675 կետի, կորեական KOSPI-ն աճում է 0,57%-ով հասնելով 2790,30 կետի, չինական Shanghai Composite-ն ավելացել է 0,55%-ով հասնելով 2966,35 կետի։ Մակրոէկոնոմիկա 1․ Իսպանիայի ՀՆԱ-ի աճը՝ հիմնված 2024 թվականի առաջին եռամսյակի արդյունքներով կազմել է 0,8%: Շուկան ակնկալում էր 0,7% ավելացում։ Տարեկան կտրվածքով 2,5% տնտեսական աճ է գրանցվել։ 2․ Կանադայում գնաճի մակարդակը անսապսելիորեն արագացել է և մայիսի տվյալներով տարեկան կտրվածքով կազմել 2,9% կանխատեսվող 2,6%-ի Տ/Տ փոխարեն։ Հանքարդյունաբերական շուկաներ Այսօր ոսկու գինը շարունակում է ընկնել, թանկարժեք մետաղը մեկ ունիցայի դիմաց վաճառվում է մոտ $2310,4: Երեքշաբթի նավթային գնանշումները նվազել են։ Այժմ Brent ապրանքանիշի նավթի գինը մեկ բարելի դիմաց $85,5, WTI-ի գինը մեկ բարելի դիմաց $81,3: Կորպորատիվ իրադարձություններ/ միջոցառումներ 1. Եվրոպական Airbus կորպորացիան նվազեցրել է 2024թ.-ի իր շահույթի և մատակարարումների կանխատեսումները։ Զեկույցի համաձայն, ընկերությունն այժմ ակնկալում է ճշգրտված EBIT 5,5 մլրդ եվրոյի դիմաց նախկինում ակնկալվող 6,5-7 եվրոյի դիմաց։ Քաղաքացիական ինքնաթիռների մատակարարների կանխատեսումը 800-ից իջեցվել է մինչև 770: Նշվում է, որ կա աշխատանքային միջավայրի վատթարացում և քաղաքացիական ավիացիայի մատակարարման շղթայում մինչև վերջ չլուծված խնդիրներ։ 2. Լրատվամիջոցների տվյալներով՝ ամերիկյան Boeing-ը ցանկանում է բաժնետոմսերի առավելությունները օգտագործել իր մատակարար՝ Spirit AeroSystems Holdings-ը գնելու համար։ Ընդորում, անցած հանգստյան օրերին ընկերությունը գրեթե հաստատել էր ավելի քան 4 մլրդ-ի կանխիկ գործարք։ Հիշեցնենք, որ Spirit-ը դուրս է եկել Boeing-ից 2005 թվականին։ Cube Invest