Ռուսաստանի հետ մեր առևտրաշրջանառությունը նախորդ տարվա 8 ամսվա համեմատ աճել է 71.7 տոկոսով

Այս տարվա առաջին 8 ամսում Հայաստանի առևտրաշրջանառությունը ԵԱՏՄ երկրների հետ 2.778 միլիարդ դոլար է, ինչը նախորդ տարվա նույն ժամանակահատվածի համեմատ աճել է 74.1 տոկոսով: էկոնոմիկայի նախարար Վահան Քերոբյանը հայտնել է, որ նույն ժամանակում արտահանումը Հայաստանից ԵԱՏՄ երկրներ կազմել է 1.1 միլիարդ դոլար, ինչը նախորդ տարվա նույն ժամանակահատվածի համեմատ աճել է 2 անգամ: Ներմուծումը ևս աճի միտում ունի: Նախորդ տարվա հունվար-օգոստոսի համեմատ այս տարի գրանցվել է 58.7 տոկոս աճ: Օրինակ Ռուսաստանի հետ մեր առևտրաշրջանառությունը կազմել է 2.642 միլիարդ դոլար, ինչը նախորդ տարվա նույն ժամանակահատվածի համեմատ աճել է 71.7 տոկոսով: