ABNews

Live

ABNews

Ռադիո

ABNews

Որքա՞ն գինի է արտադրում Արենիի գինու գործարանը

Լուրեր | 2022/06/05 12:40

Որքա՞ն գինի է արտադրում Արենիի գինու գործարանը
Արենիի գինու գործարանն անկախացումից երեք տարի հետո է բացել իր դռները։ Հիմա տարեկան 200․000 շիշ գինի են արտադրում, որի մոտ 70%-ը հենց Արենի տեսակի խաղողից է պատրաստվում, ունեն նաև մրգային գինու տեսականի՝ նռան և բալի հիմքով։ Նռան գինին Արցախից բերված բերքով են պատրաստում, որն էլ ավելի է բարձրացնում համային երանգը։ Գործարանի տնօրեն Տիգրան Սիմոնյանը հիշում է՝ 5 տարեկան էր, երբ ծնողները սկսեցին գինու արտադրությամբ զբաղվել․ այդ օրվանից վարակվել է գինեգործությամբ․ հիմա գործարանի ղեկավարը նա է ու իրեն այլ ոլորտում չի պատկերացնում։ Տիգրանի համոզմամբ բիզնեսը զարգացնելուն նպաստում է նաև «Գինու օրեր» միջոցառումը, քանի որ այստեղ արդեն հայնտի բրենդը էլ ավելի մեծ ճանաչելիություն է ձեռք բերում ընդամենը մի քանի օրվա ընթացքում՝ հատկապես օտարերկրացիների շրջանում։ Մեծ շուկաներ գրավելու համար նաև կարևոր է համարում ֆինանսական կառույցների հետ փոխգործակցությունը․ այս հարցում վստահում է Ակբա բանկին, որը արդեն երկրորդ անգամ իր ուսերին է վերցրել Գինու օրերի գլխավոր հովանավորի պարտականությունը, այս տարի նրա հետ միասին միջոցառման գործընկեր է նաև Վիզա միջազգային վճարային համակարգը։ «Ակբա բանկի հետ մենք վաղուց ենք աշխատում։ Շատ արդյունավետ համագործակցություն ունենք։ Հիմա էլ գործարանում նոր ներդրում ենք արել լիզինգով՝ կրկին Ակբայի օգնությամբ»,- պատմում է Տիգրան Սիմոնյանը։ Արենիի գինու գործարանի ղեկավարը չի հորդորում բացառապես իրենց արտադրանքը գնել․ ասում է՝ առաջնահերթ հարցը հայկական գինու տարածումն է աշխարհով մեկ՝ հատկապես որ անկախ գույնից՝ գինու չափավոր օգտագործումը առողջարար է և իր հերթին ապրելակերպ է թելադրում։

Տարածել

FacebookX.comTelegramLinkedInԷլ․ փոստ

Կարդացեք նաեւ

Տեսանյութեր

Դիտել բոլորը
Դիտել բոլորը