Ճանապարահաշինություն․ 450 կմ կենսական նշանակության ճանապարհի կառուցում՝ ՀՀ և ՀԲ գործակցությամբ Կառուցված է 450 կմ տեղական ճանապարհ, որն ունի կենսական նշանակություն: ՏԿԵ նախարարությունն ու Համաշխարհային բանկն ամփոփել են համատեղ իրականացված Կենսական նշանակության ճանապարհային ցանցի բարելավման ծրագիրը: Եթե նախկինում բարեկարգ ճանապարհներից օգտվում էր գյուղական բնակչության 51 տոկոսը, ծրագրի շնորհիվ՝ արդեն ավելի քան 77 տոկոսը: Այս ծրագրով իրականացվում է նաև ճանապարհների անվտանգության բարելավման աշխատանք: Մշակվել է կենսական նշանակության ճանապարհային ցանցի ռազմավարական պլանը, որը կօգտագործվի ճանապարհները կառուցելիս: Հայաստանի ընդհանուր օգտագործման ճանապարհային ցանցի երկարությունը մոտ 7513 կմ է, որից տեղական նշանակության է 3760 կիլոմետրը, դրա 10-ը տոկոսից ավելին բարելավվել է այս ծրագրով: