Ցանցում են հայտնվել ROSA Mobile օպերացիոն համակարգով ռուսական R-FON սմարթֆոնի առաջին լուսանկարներն ու տեսանյութերը. Սոցիալական ցանցերի և մեսենջերների պրոֆեսիոնալ օգտատերերի ասոցիացիայի տնօրեն Վլադիմիր Զիկովը դրանք հրապարակել է իր տելեգրամ ալիքում։
«Լրատվամիջոցներում արդեն տեղեկություններ կային, որ STC IT ROSA-ն պատրաստում է սեփական հեռախոսը ROSA Mobile օպերացիոն համակարգով: Այժմ ես ունեմ մանրամասները և, ամենակարևորը, հենց սմարթֆոնը: Այն կկոչվի R-FON»,- ասվում է հաղորդագրության մեջ:
Փորձագետը պարզաբանել է, որ ROSA Mobile OS-ը հիմնված է Linux-ի վրա, տեսողականորեն հիշեցնում է «iOS-ի և Android-ի միջև ինչ-որ բան», ինչպես նաև համատեղելի է Android հավելվածների հետ։ Սմարթֆոնի պաշտոնապես նախատեսվում է սպառողական շուկա մուտք գործել 2024 թվականին, իսկ կորպորատիվ հատվածի և պետական հաճախորդների համար՝ 2023 թվականին։
Սոցցանցերի և ակնթարթային մեսենջերների պրոֆեսիոնալ օգտատերերի ասոցիացիայի տնօրենը պարզաբանել է, որ սմարթֆոնի դիրքը շուկայում կախված կլինի նրանից, թե ինչպես է այն աշխատելու Android հավելվածների հետ, քանի որ օգտատիրոջ համար ամենակարևորը լիարժեքությունն է.
Զիկովի խոսքով՝ ընկերությունը հայտնել է սմարթֆոնի գինը մինչև 40 հազար ռուբլի (430 դոլար), սակայն ճշգրիտ թիվը դեռևս հայտնի չէ։ «Տեսնենք, թե ընդհանուր շուկայի համար ինչ գին կկազմի, և կարո՞ղ են իջեցնել՝ սարքն ավելի լավը դարձնելով»,- հավելեց նա։
