Ռուսական «ԱվտոՎԱԶ» ավտոարտադրողը 2024 թվականին կշարունակի իր մեքենաները համալրել ավտոմատ փոխանցման տուփերով: Այս մասին Forbes-ին տված հարցազրույցում հայտարարել է ձեռնարկության ղեկավար Մաքսիմ Սոկոլովը։
«2024 թվականի ընթացքում մենք կվերադարձնենք էլեկտրոնային կայունության կառավարման համակարգը (ESP) և ավտոմատ փոխանցման տուփը»,- հարցազրույցում ասել է Մաքսիմ Սոկոլովը։ Նույն հարցազրույցում թոփ-մենեջերը հաստատեց, որ գործարանն արդեն պատրաստում է B դասի մեքենաների նոր ընտանիք ՝ ուղղված երիտասարդ լսարանին: Արտադրությունը պետք է սկսվի 2024 թվականի սկզբին։ Ավելի վաղ հաղորդվել էր, որ AvtoVAZ-ը նախատեսում է 2023 թվականին վերսկսել Lada Largus-ի արտադրությունը Տոլյատիի գործարանում։ Լարգուսի արտադրությունն այս տարվա ապրիլից ընդհատումներով պարապուրդի է մատնված ՝ պահեստամասերի սղության պատճառով։
