Այս մասին իր հերթական ճեպազրույցի ընթացքում հայտարարել է Ռուսաստանի ԱԳՆ մամուլի խոսնակ Մարիա Զախարովան։
Նրա խոսքով՝ Հայկական երկաթուղիները ավելի քան 20 տարի գտնվում են Հարավկովկասյան երկաթուղիների կառավարման ներքո, և այդ ընթացքում ռուսական ընկերությունը կատարել է համաձայնագրի բոլոր պայմանները։
«Հնարավոր է՝ նրանք մոռացել են դրա մասին Երևանում։ Ռուսաստանը զգալի ներդրումներ է կատարում ենթակառուցվածքների և շարժակազմի մեջ՝ ապահովելով մեծ թվով աշխատատեղեր, ինչը, իմ կարծիքով, պետք է հաշվի առնեն նաև նրանք, ովքեր ցանկանում են բարձրաձայնել այս հարցի մասին Հայաստանում։ Ռուսական օպերատորը մի կառույց է, որը չի զրկում հանրապետությանը մրցակցային առավելություններից, այլ ստեղծում է դրանք», — նշել է Զախարովան։
Նա հավելել է, որ ռուսական օպերատորները չեն սահմանափակում Հայաստանի հնարավորությունները, այլ, ընդհակառակը, նպաստում են մրցակցային դիրքերի ամրապնդմանը։
Գազատարի՝ Ադրբեջան և Թուրքիա մուտք ապահովող հատվածների վերականգնման վերաբերյալ Ռուսաստանի դիրքորոշումը ավելի վաղ ներկայացրել էր նաև ՌԴ փոխվարչապետ Ալեքսեյ Օվերչուկը։
