Բիլ Գեյթսը կանխատեսել է Google-ի և Amazon-ի «մարումը» AI-ի պատճառով Microsoft-ի համահիմնադիր Բիլ Գեյթսը կանխատեսել է թվային AI գործակալների ի հայտ գալը, որոնք արմատապես կփոխեն օգտատերերի պահվածքը ցանցում: Այդ մասին գրում է CNBC-ն,- գրում է b24.am-ը։ Գեյթսի խոսքերով՝ ապագա AI օգնականը կկարողանա հասկանալ մարդու կարիքներն ու սովորությունները, ուստի օգտատերն այլևս կարիք չի ունենա անձամբ մուտք գործել այս կամ այն հարթակ: Սակայն միլիարդատերը չկարողացավ հստակ գուշակել, թե ով կհաղթի AI գործակալ ստեղծելու մրցավազքում: Տեխնոլոգիական հսկաների և ստարտափների հնարավորությունները հավասար են, հավելել է նա։ «Ես հիասթափված կլինեի, եթե Microsoft-ը չմիջամտեր: Բայց ես տպավորված եմ մի քանի ստարտափներով, այդ թվում՝ Inflection-ով»,- ասել է Գեյթսը։ Գործարարը կարծում է, որ նման գործակալների մշակման համար որոշակի ժամանակ կպահանջվի։ Մինչ այդ, ընկերությունները կշարունակեն իրենց արտադրանքի մեջ ներառել գեներատիվ տեխնոլոգիաներ, ինչպիսիք են խոշոր լեզվական մոդելները: Գործարարը խոսեց նաև Բիլ և Մելինդա Գեյթս հիմնադրամում իր աշխատանքով պայմանավորված առողջապահական ջանքերի մասին: Նա հայտարարել է, որ AI-ն կարագացնի նորարարությունը տիեզերքում և կհանգեցնի դեղերի և դեղամիջոցների ավելի արագ զարգացմանն ու ստեղծմանը։ Նրա խոսքով՝ մարդկությունը մոտենում է այնպիսի հիվանդությունների բուժմանը, ինչպիսին Ալցհեյմերն է։ Դեղամիջոցների առաջին փորձարկումները տեղի կունենան 10 տարի հետո, հավելել է Գեյթսը։ Գործարարն անդրադարձավ նաև գեներատիվ AI-ի թեմային: Նա կարծում է, որ տեխնոլոգիաները զգալիորեն կազդեն գրասենյակային աշխատողների վրա, և ռոբոտները կկարողանան փոխարինել աշխատողներին արտադրության մեջ։ Հիշեցնենք, որ մարտին գործարարը ChatGPT-ն անվանել էր 1980թ. ի վեր ամենակարևոր հայտնագործությունը։ Իսկ ապրիլին Գեյթսը քննադատել է մեծ լեզվական մոդելների հետազոտությունը դադարեցնելու գաղափարը: